वाळुज (जि.औरंगाबाद) : ऊसतोडीचे काम आटोपून अड्ड्यावर परतणाऱ्या ऊस तोड कामगाराचा ट्रॅक्टर खामनदीच्या पुलावरून खाली कोसळला आहे. या भीषण अपघातात ट्रॅक्टरमधील चार लहान मुलांसह 10 ऊसतोड कामगार जखमी झाले आहेत. जखमेतील दोन जणाची प्रकृती चिंताजनक आहे. हा अपघात शुक्रवारी (ता.5) रोजी सायंकाळी पाच वाजेच्या सुमारास लांजी शिवारात झाला.
वरुडी (ता पैठण) येथील रामनाथ रंभाजी शरणागत त्यांची पत्नी मालनबाई रामनाथ शरणागत, मुलगा प्रभाकर रामनाथ शरणागत (35), प्रभाकरची पत्नी मिनाबाई शरणागत (30), सेवन रामनाथ शरणागत (30) त्याची पत्नी अर्चनाबाई (25) व अर्चनाबाई शरणागत यांचा भाऊ व भावजाई असे सर्वजण प्रल्हाद ज्ञानोबा बनसोडे यांच्या शेतातील अड्ड्यावर झोपडी करून राहतात. शुक्रवारी (ता.5) रोजी रामनाम व मालनबाई हे पती-पत्नी वरुड येथे गावी गेले होते. तर त्यांची दोन्ही मुले, दोन्ही सुना व अर्चनाचा भाऊ व भावजय तसेच त्यांची चार मुले असे सर्वजण लांजी जवळील पेरे पाटील यांच्या शेतात ऊस तोडणीसाठी गेले होते.
सायंकाळी पाच वाजेच्या सुमारास काम आटोपून ते अड्ड्यावर परत येत असताना त्यांच्या ट्रॅक्टरचे पुढील टायर फुटल्याने ट्रॅक्टर पुलावरून सरळ खाम नदीच्या पात्रात कोसळला. अंदाजे चाळीस फूट खोल कोसळलेल्या ट्रॅक्टरचा चक्काचूर झाला असून ट्रॅक्टर मधील सर्व जण गंभीर जखमी झाले. जखमीतील दोन जणांची प्रकृती चिंताजनक असल्याचे समजते. अपघाताची माहिती मिळताच प्रल्हाद ज्ञानोबा बनसोडे व त्यांच्या सहकाऱ्यांनी अपघातस्थळी धाव घेत सर्व जखमींना 108 रुग्णवाहिकेतून उपचारार्थ घाटीत दाखल केले. अपघाताची माहिती मिळताच वाळूज पोलिसांनी घटनास्थळी पाहणी केली.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.