जिल्हा परिषदेत येण्याएवजी जनतेने घ्यावा फोनवर फॉलोअप 

औरंगाबाद - कोरोनाच्या पार्श्‍वभूमीवर जिल्हा परिषद प्रशासनाने ग्रामीण भागातील लोकांनी कार्यालयात येण्याएवजी ई मेलवर पत्रव्यवहार करावा. कामाचा फॉलोप घेण्यासाठी दुरध्वनीवर संपर्क करा असे आवाहन केले आहे. 

ग्रामीण भागातील जनतेला शहरात येण्याची गरज भासू नये यासाठी ही मुख्यालयाच्या प्रवेशद्वारावर आवाहन करणारा फलक लावण्यात आला आहे. 

सोमवारपासून (ता. २३) कर्मचाऱ्यांशिवाय इतरांना अभ्यागतांना परिसरात व कार्यालयात प्रवेश बंद केला आहे. जिल्हा परिषदेशी संबंधित असलेल्या कामकाजासंबंधी महत्त्वाची निवेदने, अर्ज आदी जिल्हा परिषदेच्या मुख्य प्रवेशद्वारासमोर ठेवलेल्या बॉक्समध्ये जमा करून घेण्यात येत आहे. 

त्या बॉक्समधील निवेदनांची त्वरित दखल घेऊन त्यावर कार्यवाही करण्यात येईल. अभ्यागतांनी शासकीय कार्यालयांतील गर्दी टाळण्यासाठी सद्यःस्थिती पाहता कार्यालयाला भेट देण्याचे टाळावे; तसेच आपल्या कामासाठी gadzpaurangabad@gmail.com  या ई-मेलद्वारे पत्रव्यवहार करू शकतील; तसेच ०२४०-२३३१५७१ या दूरध्वनी क्रमांकावर संपर्क करून विचारणा करू शकतील अशी व्यवस्था करण्यात आली असल्याचे सांगून कोरोनाच्या संसर्गाला रोखण्यासाठी अभ्यागतांना येण्याचे टाळावे, असे आवाहन सामान्य प्रशासन विभागाचे उपमुख्य कार्यकारी अधिकारी शिरीष बनसोडे यांनी केले आहे. 

मार्च अखेर असल्यामुळे शासकीय कार्यालयांसाठी महत्वाचा महिना आहे. मात्र कोरोनामुळे कामकाजावर परिणाम झाला आहे. सुरूवातीला ५० टक्के कर्मचाऱ्यांनी कामावर येण्याचे शासनादेश होते. नंतरची परिस्थिती पाहता यात बदल करुन ५० टक्केएवजी ५ टक्के कर्मचाऱ्यांना कामावर बोलावण्याचे आदेश दिले आहेत.

त्यामुळे जिल्हा परिषद मुख्यालयात असलेल्या १४ विभागांमध्ये पाच टक्के कर्मचाऱ्यांना कामाच्या प्राधान्यक्रमानुसार बोलाविण्यात येत आहे. त्याच त्या कर्मचाऱ्यांना बोलाविण्याऐवजी रोटेशन पद्धतीने कामावर बोलाविण्यात यावे, अशा विभागप्रमुखांना सूचना देण्यात आल्या आहेत.

औरंगाबादच्या इतर बातम्या वाचण्यासाठी - क्लिक करा