म्हैसमाळला अवैध धंद्यांचा विळखा, पोलिस महानिरीक्षकांना पाठविला अहवाल

खुलताबाद (जि.औरंगाबाद) : मराठवाड्याचे महाबळेश्वर म्हणुन ओळखले जाणारे म्हैसमाळ सध्या अवैध धंद्यांनी ग्रासले आहे. हॉटेल व्यवसायाच्या आडुन सदरील नाना प्रकारचे अवैध धंदे सुरु असल्याचा अहवाल एका पत्राद्वारे पोलिस पाटील संजय जाधव यांनी थेट पोलिस महानिरीक्षकांना शनिवारी (ता.सहा) पाठविला आहे. या बाबत पोलिस महानिरीक्षक यांना पाठविलेल्या पत्ररुपातील अहवालात नमूद केलेले आहे की, म्हैसमाळ येथील या दोन हॉटेलमध्ये सर्रास वेश्या व्यवसाय सुरु आहे.

हे वागणं बरं नव्ह! दोघे पोलिस कर्मचाऱ्यांचे केवळ पाचशे रुपयांवरुन रस्त्यावर कपडे काढून तुंबळ हाणामारी

याबाबत त्यांना अनेकदा तंबी देऊनही फायदा झालेला नाही. त्यामुळेच आपण पोलिस पाटील या नात्याने आपल्याकडे लेखी अहवाल सादर केला आहे. सदरील अहवालाचे पत्र त्यांनी सोशल मीडियावरही पोस्ट केले असुन आता याबाबत काय कारवाई होते. याकडे लक्ष लागुन आहे. एकुणच म्हैसमाळ या थंड हवेच्या ठिकाणी अवैध धंदे सुरु असल्याचा दुजोराच या पत्राद्वारे मिळाला आहे.

संपादन - गणेश पिटेकर