एकादशीनिमित्त उद्या नाथ मंदिर राहणार एक दिवस बंद, कोरोनामुळे प्रशासनाचा निर्णय

चंद्रकांत तारू
Monday, 22 February 2021

दरम्यान, कोरोनाच्या काळात शिथिलता देण्यात आल्यानंतर भाविकांच्या  दर्शनासाठी नाथमंदिर खुले करण्यात आले होते.

पैठण (जि.औरंगाबाद)  : कोरोनाच्या वाढत्या प्रादुर्भावामुळे पैठण येथील शांतिब्रह्म संत  एकनाथ महाराज यांचे गोदाकाठावरील समाधी मंदिर व गावातील राहतावाडा असलेले नाथमंदिर मंगळवारी (ता.२३) महिन्याच्या एकादशी ( वारी) निमित्त होणाऱ्या भाविकांच्या गर्दीमुळे एक  दिवस बंद ठेवण्यात आले आहे, अशी माहिती तहसीलदार चंद्रकांत शेळके यांनी सोमवारी (ता.२२) दिली.

वाचा - स्वप्नं पापण्यातले पापण्यातच विरले, कुटुंबाचा आधार होऊ पाहणाऱ्या जिद्दी प्रतिक्षाला काळाने अडविलेच

पैठण शहर व तालुक्यात कोरोनाचा संसर्ग वाढण्याचा धोका निर्माण झाला आहे. या पार्श्वभूमीवर उपविभागीय अधिकारी तथा प्रशिक्षणार्थी जिल्हाधिकारी अनमोल सागर यांच्या आदेशानुसार  संत एकनाथ मंदिर ट्रस्टचे कार्यकारी विश्वस्त दादा बारे यांना मंदिर एक दिवसासाठी बंद ठेवण्यात यावे, असे लेखी आदेश दिले आहे. दरम्यान, कोरोनाच्या काळात शिथिलता देण्यात आल्यानंतर भाविकांच्या  दर्शनासाठी नाथमंदिर खुले करण्यात आले होते.

वाचा - माणुसकीचं दर्शन! विजेच्या धक्क्याने मृत पावलेल्या माकडाची काढली अंत्ययात्रा

यामुळे भाविकांचे दर्शन सुरु झाले असुन आज ही दर्शनासाठी पंचक्रोशिसह दुर अंतरावरुन येत आहे. परंतु आता कोरोना साथीची दुसऱ्या लाटेची शक्यता सरकारी पातळीवर व्यक्त केली गेल्यामुळे पुन्हा कोरोनाच्या नियमांचे काटेकोरपणे पालन करण्याचे आदेश तालुका प्रशासनाने दिले आहे. उद्या मंगळवारी (ता.२३) होणाऱ्या एकादशी वारी निमित्त भाविकांना नाथांचे बाहेरुन दर्शन घ्यावे लागणार आहे. या दर्शनासाठी  प्रशासनाने परवानगी दिली आहे. तसेच गर्दी न करता दर्शन घ्यावे, असे आवाहन ही केले आहे.

 

संपादन - गणेश पिटेकर

 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Nath Temple Close On Tomorrow Paithan Aurangabad Latest News