Umarga News : 'हरित धाराशिव' अभियनाअंतर्गत एकाच दिवशी १५ लाख रोपांची लागवड; एशिया बुक रेकॉर्डमध्ये नोंद

उमरगा, (जि. धाराशिव) - जिल्हाधिकारी कीर्ती किरण पुजार यांनी 'हरित धाराशिव' अभियानांतर्गत एकाच दिवशी पंधरा लाख वृक्ष लागवडीच्या उपक्रमा अंतर्गत उमरगा, मुरुम पालिकेसह तालुक्यातील ग्रामपंचायतीने पुढाकार घेत शनिवारी (ता.१९) जवळपास तीन लाख रोपांची लागवड केली..दरम्यान संपूर्ण जिल्ह्यात प्रशासनाने केलेल्या उत्कृष्ठ नियोजनात विविध स्वंयसेवी संघटना, शाळेचे विद्यार्थी रोप लागवडीच्या उपक्रमात स्वंयस्फुर्तीने सहभाग घेतला होता. या उपक्रमाची एशिया बुक रेकॉर्डमध्ये नोंद झाली आहे.तालुक्यातीत कराळी, गुंजोटी, बेळंब, औराद, कदेर, कसगी, दाळींब, दाबका, तुंगाव, पेठसांगवी, कोराळ, तलमोड, महालींगरायवाडी, तुरोरी, व्हंताळ, चिंचोली (जहागीर), आष्टा (जहागीर), भुसणी, पळसगांव, काळानिंबाळा, आलूर, मुळज, नाईचाकूर, हंद्राळ, मळगी मुरळी, कंटेकूर २७ गावच्या ग्रामपंचायतीच्या एकुण ४३० गुंठे क्षेत्रात मियावाकी जंगल करण्यासाठी २७ प्रजातींचे एक लाख २९ हजार रोपांची लागवड करण्यात आली..दरम्यान जिल्हाधिकारी कीर्ती किरण पुजार, जिल्हा परिषदेचे मुख्य कार्यकारि अधिकारी मैनांक घोष यांच्या मार्गदर्शनाखाली हा उपक्रम राबवण्यात आला. उमस्याचे तहसीलदार गोविंद येरमे, गटविकास अधिकारी प्रशांतसिंह मरोड, तालुका कृषि अधिकारी डी. बी. रितापूरे यांनी ग्रामपंचायत क्षेत्रात विविध ठिकाणी रोप लागवडीच्या उपक्रमात सक्रिय सहभाग घेतला. सामाजीक वनीकरण विभागाने रोपांची व्यवस्था केली आहे..वनपरिक्षेत्र कार्यालय : एक लाख वीस हजारवनपरिक्षेत्र कार्यालयाने वन परिक्षेत्र अधिकारी एस. ए. कराड यांच्या मार्गदर्शनाखाली उमरगा तालुक्यात कवठा, दुधनाळ, मळगीवाडी, धाकटीवाडी व डिग्गी येथील वनक्षेत्र परिसरात अडीच हेक्टर क्षेत्रावर तर लोहारा तालुक्यात दिड हेक्टर क्षेत्रात एकुण एक लाख वीस हजार रोपांची लागवड केली..उमरगा पालिकेने १८ हजार रोपांची लागवडउमरगा नगर पालिकेने मुख्याधिकारी रामकृष्ण जाधवर यांच्या केलेल्या उत्कृष्ठ नियोजनामुळे बीजगुणन केंद्राच्या जागेत ६० गुंठे क्षेत्रात १८ हजार रोपांची लागवड केली. गेल्या पंधरा दिवसापासुन पालिकेचे कर्मचारी नियोजनात होते.सर्व खड्डे मनुष्यबळाने शक्य नसल्याने पालिकेने खड्डे खोदण्याची पाच मशिन खरेदी केले होते. शनिवारी आमदार प्रविण स्वामी, उपविभागीय अधिकारी दत्तू शेवाळे, मुख्याधिकारी रामकृष्ण जाधवर, उद्योजक गिरीश सुर्यवंशी, डॉ. उदय मोरे, निसर्गप्रेमी ग्रुपचे डॉ. लक्ष्मण सातपुते, डॉ. दिपक पोफळे, विधीज्ञ मंडळाचे उपाध्यक्ष ॲड. अक्षय तोतला, सचीन जाधव, विक्रम मस्के, संजय पवार, सतीश साळूंके, सुशील दळगडे आदींच्या हस्ते रोप लागवड करण्यात आली..शहरातील श्री छत्रपती शिवाजी महाविद्यालय, जिल्हा परिषद प्रशाला शरणाप्पा मलंग विद्यालय, महात्मा बसवेश्वर विद्यालय, माधवी चालुक्य कन्या हायस्कुल या सर्व शाळांतील विद्यार्थ्यासह रोटरी क्लब, निसर्गप्रेमी ग्रुप, जिजाऊ बिग्रेड, विधीज्ञ मंडळ, रोप लागवडीच्या उपक्रमात सक्रिय सहभाग घेतला. दरम्यान मुरुम पालिकेचे मुख्याधिकारी सचीन भुजबळ यांच्या मार्गदर्शनाखाली पाणीपुरवठा जलशुद्धिकरण केंद्राच्या परिसरात नऊ हजार रोपांची लागवड करण्यात आली..या रोपांची केली लागवडलागवडीत सर्वाधिक क्षेत्र शिसू , कडुनिंब, तुती, चिंच, करंज या रोपांचा समावेश आहे. आंबा, पिंपळ, बदाम, आवळा, साग, बेल, अमलतास, खैर, सिताफळ, अशोक, हदगा, पेरू आदी रोपांचाही सात समावेश असून मियावाकी जंगल, अटल घनवन करण्याचा मुळ उद्देश आहे. दरम्यान व्यापक वृक्षलागवडीसाठी प्रशासनाने प्रयत्न केले असून प्रत्येक रोपाला क्युआर कोड लावण्यात आलेला असला तरी; प्रत्यक्षात झाडे जगविण्यासाठी दक्षता घेणे गरजेचे आहे..'हरित धाराशिव अभियानातंर्गत प्रशासनाने नियोजन केले होते. विशेषतः जिल्ह्यातील सर्व विविध शाळेंचे विद्यार्थी, शिक्षक, विविध स्वंयसेवी संस्थाचा उत्स्फूर्त प्रतिसाद महत्वाचा ठरला. रोपांची जोपासना करण्याचे नियोजन राहणार आहे.- रामकृष्ण जाधवर, मुख्याधिकारी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.