जालना : लग्नसराईचे दिवस असल्याने दागिने खरेदीसाठी सराफा बाजारात ग्राहकांची मोठी गर्दी उसळत आहे. येथील बाजारात दिवसाला तीन ते चार किलो सोन्याची विक्री होऊन साडेतीन कोटींची उलाढाल होत आहे..सणासुदीच्या काळात सोने-चांदीच्या दरामध्ये सातत्याने वाढ झाली होती. मात्र, आता एक महिन्यापासून सोने-चांदीचे दर स्थिर आहेत. सध्या २४ कॅरेट सोने ८७ हजार २०० रुपये, तर चांदीचे भाव ९८ हजार रुपये आहे. लग्नसराईच्या दिवसांत सोने-चांदी खरेदीवर ग्राहकांचा भर असतो. त्यामुळे सराफा बाजारात ग्राहकांनी मोठी गर्दी केल्याचे चित्र आहे..येथे ६५ ते ७० सराफा दुकाने आहेत. दरम्यान, प्रत्येक दिवशी तीन ते चार किलो सोन्याची विक्री होत असून, अंदाजे साडेतीन कोटींची उलाढाल होत असल्याचे सराफा व्यावसायिकांना सांगितले. दरम्यान, सोन्याच्या वस्तूंमध्ये टेंपल कलेक्शन, राणी हार, नेकलेस, रोझ गोल्ड, अँटिक नेकलेस, झुमके यांसह अंगठ्यांना मोठी मागणी आहे; तसेच इंडस्ट्रीत विविध वस्तू बनविण्यासाठी चांदीचा वापरही वाढल्याने चांदीचीही विक्री होत असल्याचे व्यापाऱ्यांनी सांगितले..लग्नसराईमुळे सराफा बाजारात ग्राहकांची गर्दी आहे. त्यामुळे सोने-चांदीची मोठी विक्री होत आहे. सध्या सराफा बाजारातून एका दिवसाला ३ ते ४ किलो सोने-चांदीची विक्री होऊन अंदाजे साडेतीन कोटींची उलाढाल होत आहे..Road Accident : दुचाकी अपघातात तरुणाचा मृत्यू .इंडस्ट्रीमध्ये चांदीची मागणी वाढली आहे. उदा. इलेक्ट्रिक व्हेइकलमध्ये विविध वस्तूंसाठी चांदीचा वापर होत आहे. त्यामुळे येणाऱ्या काही महिन्यांत चांदी एक लाख १० हजारांचा टप्पा पार करू शकते. दरम्यान, आंतरराष्ट्रीय स्तरावरील घडामोडींचा मोठा परिणाम सोने-चांदीच्या भावावर होतो.— शरद जैन, सराफा व्यापारी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
