Latur Dam Water level : लातूर जिल्ह्यात १४४ प्रकल्पांत ७.६६ टक्केच उपयुक्त पाणीसाठा

Latur Water Storage : आठ मध्यम प्रकल्प आहेत, यापैकी तावरजा, व्हटी, तिरू या तीन मध्यम प्रकल्पांत उपयुक्त पाणीसाठा नाही.
Latur Water Storage
Latur Water StorageSakal

लातूर : जिल्ह्यात या पावसाळ्यात अपेक्षित सरासरीच्या १४५ टक्के पाऊस झाला आहे. प्रशासनाची तशी आकडेवारीही आहे. पण, जिल्ह्याच्या दृष्टीने महत्त्वाच्या असलेल्या १४४ प्रकल्पांत सध्या ७.६६ टक्केच उपयुक्त पाणीसाठा आहे.

तीन मध्यम प्रकल्पांत तर उपयुक्त पाणीसाठा नाही. मांजरा प्रकल्पातदेखील केवळ चार सेंटीमीटरने पाणीसाठा वाढला आहे. मृतसाठ्यातूनच शहराला पाणीपुरवठा केला जात आहे. प्रकल्पात पाणी येण्यासाठी मोठ्या पावसाची गरज आहे.

तीन प्रकल्पांत मृतसाठाच

जिल्ह्यात आठ मध्यम प्रकल्प आहेत, यापैकी तावरजा, व्हटी, तिरू या तीन मध्यम प्रकल्पांत उपयुक्त पाणीसाठा नाही. मृतसाठ्यातच पाणी आहे. या आठ मध्यम प्रकल्पांचा एकूण पाणीसाठा २८.१४८ दशलक्ष घनमीटर इतका आहे. यात १४.९६४ मृतसाठा, तर १३.१८४ दशलक्ष घनमीटर उपयुक्त पाणीसाठा आहे. याची टक्केवारी १०.७९ इतकी आहे.

निम्न तेरणात आला उपयुक्त साठा

जिल्ह्याच्या दृष्टीने महत्त्वाच्या असलेल्या मांजरा धरणात ४४.०६८ दशलक्ष घनमीटर मृत पाणीसाठा आहे. दोन दिवसांत केवळ चार सेंटीमीटरने पाण्यात वाढ झाली आहे. निम्न तेरणा प्रकल्पात एकूण ४४.१२८ दशलक्ष घनमीटर पाणीसाठा आहे. यात उपयुक्त पाणीसाठा १४.१६१, तर मृतसाठा २९.९६७ दशलक्ष घनमीटर इतका आहे.

Latur Water Storage
Latur Crime : उदगीरच्या उच्चभ्रू वस्तीत घरफोडी! घराचे कुलूप तोडून सोन्या-चांदीच्या दागिन्यांसह पावणे 14 लाखांची ऐवज लंपास

सध्या १३४ प्रकल्पांत ८.४७ टक्के पाणी

जिल्ह्यात १३४ लघू प्रकल्प आहेत. याची साठवण क्षमता ५१.५१३ दशलक्ष घनमीटर आहे. सध्या या प्रकल्पात २६.६१२ उपयुक्त पाणीसाठा असून, याची टक्केवारी ८.४७ इतकी आहे. अनेक प्रकल्प अजूनही कोरडेच आहेत. प्रकल्पात पाणी येण्यासाठी मोठ्या पावसाची गरज आहे.

मोठ्या पावसाची गरज

जिल्ह्यात आतापर्यंत अपेक्षित असलेल्या पावसापेक्षा जास्त पाऊस झाला आहे. हा पाऊस खरीप पिकांसाठी उपयुक्त असा आहे. पण, प्रकल्पातील पाणीसाठा वाढण्यासाठी मात्र मोठ्या पावसाची गरज आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com