Aadul Accident : दिशादर्शक फलकाला स्कूटीची धडक; एक जागीच ठार, एक गंभीर जखमी

आडूळ - धुळे–सोलापूर राष्ट्रीय महामार्गावरील थापटी तांडा (ता. पैठण) शिवारात दिशादर्शक फलकाला स्कूटीची जोरदार धडक बसल्याने एक युवक जागीच ठार झाला, तर दुसरा गंभीर जखमी झाल्याची घटना शनिवारी (ता. २८) सकाळी सुमारे ११ वाजण्याच्या सुमारास घडली..दीपक सुदाम काकडे (वय २५, रा. संत नगर, छत्रपती संभाजीनगर) असे मृत्यू झालेल्या युवकाचे नाव आहे. तर आकाश पांजगे (वय २७, रा. जामखेड, ता. अंबड) हा युवक गंभीर जखमी झाला आहे.मिळालेल्या माहितीनुसार, दीपक काकडे व आकाश पांजगे हे दोघे स्कूटी (क्र. एमएच-२१-सीई-९५४२) वरून छत्रपती संभाजीनगरहून जामखेडकडे जात होते. थापटी तांडा शिवारातील पंजाबी ढाब्याजवळ आल्यानंतर स्कूटीवरील नियंत्रण सुटल्याने दुचाकी रस्त्याच्या कडेला असलेल्या दिशादर्शक फलकाला जाऊन जोरात धडकली..या अपघातात दीपक काकडे यांचा जागीच मृत्यू झाला. तर आकाश पांजगे हे गंभीर जखमी झाल्याने त्यांना महामार्गावरील १०३३ रुग्णवाहिकेद्वारे छत्रपती संभाजीनगर येथील रुग्णालयात उपचारासाठी दाखल करण्यात आले. डॉक्टरांनी तपासणी करून दीपक काकडे यांना मृत घोषित केले असून, जखमी आकाश पांजगे यांच्यावर उपचार सुरू आहेत..या प्रकरणी पाचोड पोलिस ठाण्यात अपघाताची नोंद करण्यात आली आहे. ठाण्याचे सहाय्यक पोलिस निरीक्षक सचिन पंडित यांच्या मार्गदर्शनाखाली बिट जमादार बापूराव साबळे पुढील तपास करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.