औरंगाबाद-सोलापूर महामार्गावरील भीषण अपघातात चार भाविक जागीच ठार

मालेगाव येथील 18 भाविक दर्शनासाठी एका ट्रॅव्हल मधून तिरुपतीला निघाले होते
Osmanabad
OsmanabadOsmanabad

तेरखेडा (उस्मानााबाद): तिरुपती दर्शनाला निघालेल्या मालेगाव येथील भाविकांवर काळाने घाला घातला असून चार जण जागीच ठार झाले असून अन्य तीनजण जखमी झाले आहेत. औरंगाबाद-सोलापूर महामार्गावर येरमाळच्या जवळ (ता. कळंब) शुक्रवारी (ता. २३) पहाटे दोन वाजताच्या सुमारास हा अपघात झाला.

मालेगाव येथील 18 भाविक दर्शनासाठी एका ट्रॅव्हल मधून तिरुपतीला निघाले होते. शुक्रवारी पहाटे दोनच्या सुमारास त्यांची ट्रॅव्हल येरमाळा नाजिक आली असता पंक्चर झाल्याचे चालकाच्या लक्षात आले. त्याने गाडी बाजूला घेतली. रस्त्याच्या बाजूला घेऊन पंचर काढण्याचे काम सुरू होते. याच वेळी काहीजण ट्रॅव्हल मध्ये बसलेले होते. तर उर्वरित काहीजण ट्रॅव्हलच्या बाहेर थांबले होते. मागून आलेल्या आयशर टेम्पोने उभ्या असलेल्या ट्रॅव्हल्सला जोराची धडक दिली. ही धडक एवढी जोराची होती की आयशर टेम्पो शेतामध्ये जाऊन पडला. तसेच ट्रॅव्हल ही रस्त्यापासून दूर अंतरावर फेकली गेली.

Osmanabad
Parbhani Rain: मानवत तालुक्यात पाच हजार हेक्टरवरील पिके पाण्याखाली

ट्रॅव्हल (एम. एच. ४१ ए. यु. १५५४) ही मालेगाव कडून तिरुपतीकडे निघाली होती. आयशर टेम्पो ( एम. एच. २०- इ. जी. ५१७०) टेम्पो चालक फरार झाला आहे. मृतांमध्ये शरद विठ्ठलराव देवरे, विलास महादू बचाव, जगदीश दरेकर, सतीश सूर्यवंशी ( सर्व मालेगाव ) यांचा समावेश आहे. तर जखमी संजय बाजीराव सावंत, भारत ग्यानदेव पगार, गोकुळ हिरामण शेवाळे यांना उस्मानाबाद येथे पुढील उपपचारासाठी दाखल करण्यात आले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com