Pachod farmer sowing
sakal
पाचोड - दीर्घ विश्रांतीनंतर आर्द्रा नक्षत्रातील पावसाने बुधवारी (ता. २४) दुपारी दमदार हजेरी लावताच पाचोड (ता. पैठण) परिसरातील शेतकऱ्यांच्या आशा पुन्हा पल्लवित झाल्या आहेत. पावसामुळे गुरुवारी (ता. २५) सकाळपासून खरिपाच्या अंतिम मशागतीच्या कामांना वेग आला असून अनेक ठिकाणी कापूस लागवडीस सुरुवात झाली आहे. त्यामुळे परिसरातील शेतशिवार गजबजून गेले असून बी-बियाणे व खतांच्या दुकानांवर ग्राहकांची मोठी गर्दी दिसून येत आहे.
