beed hospitalesakal
मराठवाडा
Beed News: मृत घोषित केलेले बाळ अंत्यसंस्कारावेळी रडले; बीडच्या अंबाजोगाईत धक्कादायक घटना, नेमकं काय घडलं?
Ambajogai News: ''आमच्या डॉक्टरांच्या टीमने पूर्ण तपासणी केल्यानंतरच बाळ नातेवाइकांना दिले होते. हे जन्मलेले बाळ २७ आठवड्यांचे आहे. त्याचे पल्स बंद होते, हृदय काम करत नव्हते.''
अंबाजोगाईः स्वामी रामानंद तीर्थ रुग्णालयाच्या प्रसूती विभागात बाळाचा जन्म झाला, मात्र या बाळाचे पल्स आणि हृदय सुरू नसल्याने डॉक्टरांनी हे बाळ मृत असल्याचे समजून नातेवाइकांकडे सोपविले होते. परंतु, अंत्यसंस्कारावेळी या बाळाची हालचाल सुरू झाली आणि ते रडू लागले. तेव्हा त्या आईने बाळाला पुन्हा उपचारासाठी स्वारातीमध्ये दाखल केले. मंगळवारी हा प्रकार घडला असून, सध्या या बाळावर अतिदक्षता विभागात उपचार सुरू आहेत.