लातूर : सोयाबीन हमीभाव खरेदी केंद्रावरील खरेदीची मुदत संपल्यानंतर खुल्या बाजारात सोयाबीनचे दर प्रतिक्विंटल एक हजारापर्यंत खाली गेल्यामुळे शेतकरीवर्ग प्रचंड अडचणीत आणि तणावाखाली आला आहे. या परिस्थितीत शासनाने हमीभावाने सोयाबीन खरेदीसाठी एक महिन्याची मुदतवाढ द्यावी, अशी मागणी माजी मंत्री आमदार अमित देशमुख यांनी मुख्यमंत्री देवेंद्र फडवणीस व पणनमंत्री जयकुमार रावल यांच्याकडे केली आहे.
