औरंगाबाद : अण्णासाहेब पाटील आर्थिक मंडळाला पुरेसा निधी द्या;नरेंद्र पाटील | Sakal
sakal

बोलून बातमी शोधा

औरंगाबाद : अण्णासाहेब पाटील आर्थिक मंडळाला पुरेसा निधी द्या;नरेंद्र पाटील

औरंगाबाद : अण्णासाहेब पाटील आर्थिक मंडळाला पुरेसा निधी द्या;नरेंद्र पाटील

औरंगाबाद : मागील अडीच वर्षे अण्णासाहेब पाटील आर्थिक विकास महामंडळाचे कामकाज ठप्प होते. दरमहा महामंडळाला ३० कोटी रुपयांची गरज आहे. गेल्या सरकारच्या काळात केवळ साडेबारा कोटींची तरतूद करण्यात आल्याचा आरोप भाजपचे प्रदेश उपाध्यक्ष नरेंद्र पाटील यांनी गुरुवारी (ता.१५) पत्रकार परिषदेत केला. मंडळाला पुरेसा निधी द्यावा, व्याज परतव्यात येणाऱ्या अडचणी सरकारकडे मांडणार असल्याचेही पाटील यांनी नमूद केले.

मराठा आरक्षण व अण्णासाहेब पाटील आर्थिक विकास महामंडळाच्या अडचणींबाबत नरेंद्र पाटील यांनी औरंगाबाद जिल्ह्यातील विविध संघटनांचे पदाधिकारी आणि कार्यकर्त्यांशी सुभेदारी विश्रामगृहात चर्चा केली. त्यानंतर माध्यमांशी बोलताना पाटील म्हणाले की, महामंडळाच्या अडचणींची माहिती दिली. ‘बँका कर्ज प्रस्ताव नाकारत असल्यामुळे थेट महामंडळाने कर्ज द्यावे व २० लाख रुपयांपर्यंत कर्ज मिळावे, अशी कार्यकर्त्यांची मागणी आहे. व्यवसायवाढीसाठी उद्योजकांना पुन्हा कर्जाची गरज आहे. या अडचणी लिखित स्वरूपात मुख्यमंत्री आणि उपमुख्यमंत्र्यांकडे मांडणार आहे. सध्या जिल्ह्याला पालकमंत्री नाही आणि मंत्रिमंडळाचा विस्तार बाकी आहे. त्यामुळे कदाचित महामंडळाचे अध्यक्षपद रिक्त असावे. मागील अडीच वर्षे महामंडळाचे कामकाज ठप्प होते. दरमहा महामंडळाला ३० कोटी रुपयांची गरज आहे. कर्ज मिळविण्याच्या जाचक अटी शिथिल करून योजना राबविण्यात येतील, असे पाटील म्हणाले.

बकाले यांची चौकशी करा

जळगाव जिल्ह्यातील पोलिस अधिकारी किरण बकाले यांनी मराठा समाजाबद्दल आक्षेपार्ह वक्तव्य केले आहे. त्यांचे निलंबन करण्यात आले आहे. मात्र, अशा घटनांत कडक कारवाई करावी. बकाले यांनी मराठाद्वेषातून जाणीवपूर्वक कुणाला त्रास दिला आहे का, याची चौकशी करण्यासाठी समिती नेमावी, अशी मागणीही त्यांनी केली.

चंद्रकांत पाटील यांच्यावरील आरोप फेटाळले

मराठा आरक्षणासाठी नेमलेल्या उपसमितीच्या अध्यक्षाची निवड लवकर करावी अशी मागणीही नरेंद्र पाटील यांनी केली. चंद्रकांत पाटील यांनी मराठा क्रांती मोर्चा फोडल्याचा आरोप औरंगाबादच्या मराठा क्रांती मोर्चाच्या समन्वयकांनी केला होता. याबाबत विचारले असता नरेंद्र पाटील यांनी आरोप फेटाळले. चंद्रकांत पाटील यांनी संघटनांना पाठबळ दिले. या पद्धतीचे राजकारण ते करणे शक्य नसल्याचे पाटील म्हणाले.

Web Title: Annasaheb Patil Provide Adequate Funds Financial Board Narendra Patil

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..