Beed News
esakal
आष्टी: अनेक वर्षांपासून रस्त्याच्या हद्दीत ठाण मांडून बसलेली अनधिकृत दुकाने, ओटे आणि पायऱ्या एका क्षणात भुईसपाट व्हायला सुरवात झाली. त्यामुळे तालुक्यातील दळणवळणाच्या दृष्टीने अत्यंत महत्त्वाच्या मानल्या जाणाऱ्या आष्टी-पिंपरी-फत्तेवडगाव- नांदा या रस्त्याच्या रुंदीकरण आणि मजबुतीकरणाच्या कामाला आता खऱ्या अर्थाने गती मिळणार आहे. रस्त्याच्या रुंदीकरणासाठी अडथळा निर्माण करणारी अनेक वर्षांची अनधिकृत अतिक्रमणे सार्वजनिक बांधकाम विभागाने कडक पोलिस बंदोबस्तात अखेर जमीनदोस्त केली आहेत.
