सिरसाळा (ता. परळी वैजनाथ) - दारूसाठी पैसे का देत नाहीस, असे म्हणत पुतण्याने कुऱ्हाडीचे घाव घालून वृद्ध चुलतीची हत्या केल्याची घटना कावळ्याची वाडी (ता. परळी) गुरुवारी (ता. एक) सायंकाळी घडली. परीमाळाबाई भागूराम कावळे (वय ७०) असे मृत महिलेचे नाव आहे..यासंदर्भात विष्णू भागुराम कावळे (रा. कावळ्याची वाडी) यांनी सिरसाळा पोलिसांत फिर्याद दिली. चुलत भाऊ चंद्रकांत धुराजी कावळे व चुलते धुराजी संतोबा कावळे हे परिमाळाबाईंकडे दारूसाठी वारंवार पैसे मागणीचा तगादा लावत असत. त्यावरून वाद होत असत. गुरुवारीही त्यांना पैशांची मागणी केली..पैसे नसल्याचे सांगताच चंद्रकांत धुराजी कावळे याने रागाच्या भरात परिमाळाबाईंवर कुऱ्हाडीचे घाव घातले. त्यातच त्यांचा मृत्यू झाला. या घटनेनंतर तो फरारी झाला. पोलिस त्याचा शोध घेत आहेत. संशयित धुराजी संतोबा कावळे (चुलते) यांना पोलिसांनी ताब्यात घेतले आहे. याप्रकरणी पोलिस अधिकाऱ्यांनी घटनास्थळी भेट देऊन पाहणी केली. पोलिस निरीक्षक आनंद जाधव, सहायक निरीक्षक दहिफळे तपास करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
