Chh. Sambhajinagar : माजी सैनिकाच्या पत्नीचा २८ वर्षांचा संघर्ष! जिल्हाधिकारी कार्यालयात जीव देण्याचा प्रयत्न

छत्रपती संभाजीनगर : देशसेवा बजावलेल्या सैनिकाला निवृत्तीनंतर शासनाने चार एकर शेतजमीन दिली होती. मात्र, ती जमीन शेजारी अतिक्रमण करून बळकावण्याचा प्रयत्न करत आहे. .ती जमीन माझ्या नावे करून द्या, या मागणीसाठी २८ वर्षांपासून प्रशासनाकडे चकरा मारून हतबल झालेल्या ७० वर्षीय विधवा महिलेने गुरुवारी (ता. १३) जिल्हाधिकारी कार्यालयात आत्मदहनाचा प्रयत्न केला. मात्र, पोलिसांनी वेळीच हस्तक्षेप केल्याने पुढील अनर्थ टळला. कमल भगवान खरात असे त्या महिलेचे नाव आहे. सकाळी सव्वा अकरापासून दुपारी दोन अडीचपर्यंत हा प्रकार सुरू होता..याबाबत जिल्हाधिकाऱ्यांना दिलेल्या निवेदनानुसार, पती भगवान खरात यांना सेनेतील सेवेच्या मोबदल्यात शासनाने ४ एकर १० गुंठे जमीन दिली होती. मात्र, त्यावर शेजारील शेतकऱ्याने अतिक्रमण करून ठेवले आहे. या महिलेच्या पतीचे व विवाहित मुलाचे निधन झाले आहे. सून आणि नातवासह त्या राहतात. दरम्यान, संबंधित जमीन नावावर करण्यासाठी कमल खरात यांनी २८ वर्षांपासून शासन, प्रशासनाचे उंबरठे झिजविले. .अनेकवेळा उपोषण केले, आत्मदहनाचाही प्रयत्न केला. तत्कालीन मुख्यमंत्री एकनाथ शिंदे यांनी याप्रकरणी सिद्धार्थ उद्यानात मराठवाडा मुक्तिसंग्रामदिनी त्यांना न्याय देण्याचे आश्वासन दिले होते, मात्र तरीही काहीही झाले नाही. सर्व कागदोपत्री रेकॉर्ड, सातबारा, फेर माझ्या नावावर असल्याचेही महिलेचे म्हणणे आहे. याप्रकरणी वैजापूर कोर्टासह एमआयटी कोर्टानेही त्यांच्या बाजूने निकाल दिल्याचा दावा संबंधित महिलेने केला आहे. .यामुळे आता त्रस्त होऊन गुरुवारी (ता. १३) जिल्हाधिकारी कार्यालयात आत्मदहन करण्याचा प्रयत्न केल्याचे त्यांचे म्हणणे आहे. सकाळी सव्वाअकराला एका बाटलीत डिझेल घेऊन त्या आल्या होत्या. पोलिसांनी वेळीच हस्तक्षेप करून पुढील अनर्थ टाळला. दरम्यान, मला न्याय द्या, मला जिल्हाधिकाऱ्यांना भेटू द्या, अशी मागणी महिला सातत्याने करत होती..याचवेळी राज्याच्या मुख्य सचिवांशी व्हीसी सुरू असल्याने जिल्हाधिकारी त्यात गुंतले होते. दालनाबाहेर वाढता गोंधळ आणि गर्दी ध्यानात घेऊन जिल्हाधिकाऱ्यांनी खरात यांच्याशी चर्चा करून त्यांचे म्हणणे ऐकून घेतले. जमिनीवरील स्टेटस-को काढून जमिनीचा ताबा देण्यात यावा. अतिक्रमण करणाऱ्या व्यक्तीने जमिनीवर पेरा घेऊ नये, म्हणून मंडळ अधिकारी व तलाठ्यांना आदेश देण्यात यावे, अशी मागणी महिलेने केली आहे..Chh. Sambhajinagar : चाळिशीत रंगणार धूळवड! तापमान ३९.२ अंशांवर, रंग खेळताना काळजी घ्या.संबंधित महिलेच्या विरोधात न्यायालयाचा निकाल गेलेला आहे. महिलेच्या बाजूने लढण्यासाठी या निकालाच्या विरोधात वरिष्ठ न्यायालयात अपील करण्यासाठी आम्हाला परवानगी द्यावी, अशी मागणी करणारे पत्र जिल्हा प्रशासनाच्या वतीने राज्याच्या विधी विभागाकडे पाठविण्यात आलेले आहे. तिकडून परवानगी येताच अपील केले जाईल.— दिलीप स्वामी, जिल्हाधिकारी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.