आरोग्य विभागात भरणार ६० जागा | Sakal
sakal

बोलून बातमी शोधा

Aurangabad muncipal corporation

औरंगाबाद : आरोग्य विभागात भरणार ६० जागा

औरंगाबाद - महापालिकेतर्फे आरोग्य विभागात सुधारणा केली जात असून, त्यासाठी कंत्राटी पद्धतीने डॉक्टर्स, कर्मचाऱ्यांची ६० पदे भरली जाणार आहेत. आरोग्य उपसंचालक कार्यालयात (महावीर चौक) येथे २० जुलैपर्यंत अर्ज स्वीकारण्यात येणार आहेत.

महापालिकेतर्फे शहराच्या विविध भागात आरोग्य केंद्र चालविले जातात. या आरोग्य केंद्रामार्फत शासनामार्फत दिल्या जाणाऱ्या लसी, विविध उपक्रम राबविले जातात. असे असले तरी शहराची वाढती लोकसंख्या लक्षात घेऊन आरोग्य यंत्रणेचे बळकटीकरण करण्याचे प्रयत्न सुरू आहेत. मेल्ट्रॉन येथे रुग्णांवर छोट्या शस्त्रक्रियांसह उपचार करण्याची तयारी सुरू करण्यात आली आहे. त्यासाठी शस्त्रक्रियागृह उभारण्यात आले आहे.

मेल्ट्रानमध्येच मराठवाडास्तरीय साथ रोग नियंत्रण हॉस्पिटल सुरू करण्यासाठी शासनाकडे प्रस्ताव पाठविला आहे. राष्ट्रीय आरोग्य अभियानांतर्गत बारा ठिकाणी आरोग्य केंद्र सुरू केले जात आहेत. पाच आरोग्य केंद्र हे मल्टी स्पेशालिटी म्हणून सुरू होणार आहेत. त्यामुळे तज्ज्ञ डॉक्टर व कर्मचाऱ्यांची भरती केली जाणार आहे.

प्रशासक तथा आयुक्त आस्तिककुमार पांडेय यांच्या सूचनेनुसार आरोग्य वैद्यकीय अधिकारी डॉ. पारस मंडलेचा यांनी आरोग्य विभागात कंत्राटी पद्धतीने ६० पदे भरण्यासाठी जाहिरात प्रसिद्ध केली आहे. इच्छुकांनी महावीर चौकातील आरोग्य उपसंचालक कार्यालयात सहा पदांसाठी ऑनलाइन पद्धतीने २० जुलैपर्यंत अर्ज करावेत, असे आवाहन करण्यात आले आहे. विविध पदांसाठी १७ हजार ते ६० हजार रुपयापर्यंत मानधन दिले जाणार आहे.

या पदांची होणार भरती

  • पूर्णवेळ वै. अधिकारी २

  • अर्धवेळ वै. अधिकारी ५

  • स्टाफ नर्स ६

  • एएनएम ४१

  • औषध निर्माता ३

  • प्रयोगशाळा तंत्रज्ञ ३

  • एकूण ६०

Web Title: 60 Posts Recruitment In Aurangabad Municipal Corporation Health Department

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..