छत्रपती संभाजीनगर : न्यायालयाच्या आदेशानुसार शहरातील सर्व आस्थापनांनी मराठी भाषेत फलक लावणे बंधनकारक असून, दोन आठवड्यांच्या आत अशा प्रकारचे फलक लावण्यात यावेत, अन्यथा दुकाने सील करण्याची कारवाई केली जाईल, असा इशारा महापालिकेचे प्रशासक जी. श्रीकांत यांनी दिला.
काही दिवसांपूर्वी प्रशासक जी. श्रीकांत यांनी प्रोझोन मॉलमध्ये पाहणी केली होती. त्यावेळी अनेक दुकानांवर मराठा भाषेत पाट्या नसल्याचे त्यांच्या निदर्शनास आले. त्यानंतर त्यांनी प्रत्येक आस्थापनांनी मराठी भाषेत पाट्या लावाव्यात असे आवाहन केले.
मात्र, त्यालाही व्यापारी प्रतिसाद देत नसल्याचे चित्र आहे. त्यामुळे प्रशासकांनी आता थेट कारवाईचा इशारा दिला आहे. व्यापाऱ्यांनी मराठीत फलक तेही इंग्रजी फलकाच्या आकाराप्रमाणेच फलक लावावेत. १५ दिवसांत बदल केले नाहीत तर नियमानुसार दुकाने सील करण्याची कारवाई करण्यात येईल, असे प्रशासकांनी सांगितले.
शहरातील व्यापारी ज्या प्रमाणे शॉप ॲक्ट कायद्यानुसार शासनाची परवानगी घेतात, त्यानुसार महापालिकेकडे देखील नोंदणी करून परवानगी घेण्याचा ठराव घेण्यात आला आहे. या ठरावाची लवकरच अंमलबजावणी करण्यात येईल.
व्यापाऱ्यांचा ज्या नियमांवर आक्षेप आहे, त्यात शिथिलता आणली जाईल, पण व्यापाऱ्यांना महापालिकेकडे नोंदणी करावीच लागेल, असे प्रशासकांनी नमूद केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.