छत्रपती संभाजीनगर : शहरासाठी २,७४० व १९५ कोटींच्या पुनरुज्जीवन योजनेचे काम सध्या सुरू आहे. त्यातील ९०० मिलिमिटर व्यासाच्या पुनरुज्जीवन जलवाहिनीचे काम १५ जानेवारीपर्यंत पूर्ण होणार असले तरी पाणी उपशासाठी लागणारे वीज पंपच उपलब्ध होण्यास उशीर होणार आहे. त्यामुळे एक फेब्रुवारीपासून शहरात दोन दिवसाआड पाणी पुरवठा करण्याची डेडलाईन हुकणार आहे. असे असले तरी १४ फेब्रुवारीपासून शहरात दोन दिवसांआड पाणीपुरवठा सुरू करा, अन्यथा कामाचे बिल रोखले जाईल, असा इशारा मंगळवारी (ता. २६) स्मार्ट सिटी कार्यालयात झालेल्या आढावा बैठकीत केंद्रीय अर्थ राज्यमंत्री डॉ. भागवत कराड यांनी दिला.
शहराची पाणी पुरवठा योजना, गॅस लाईनसह विविध विकास कामांचा मंगळवारी डॉ. भागवत कराड यांनी स्मार्ट सिटी कार्यालयात आढावा घेतला. महापालिकेचे प्रशासक जी. श्रीकांत, शहर अभियंता ए. बी. देखमुख, एमजेपीचे कार्यकारी अभियंता दीपक कोळी, महापालिकेचे कार्यकारी अभियंता के. एम. फालक, एम. बी. काझी यांच्यासह कंत्राटदार एजन्सीचे प्रतिनिधी उपस्थिती होते. यावेळी ९०० मिलिमीटर व्यासाच्या पाणी योजनेवर प्रथम चर्चा करण्यात आली.
कार्यकारी अभियंता कोळी यांनी हे काम १५ जानेवारीपर्यंत पूर्ण होईल, असे सांगितले. योजनेसाठी लागणारे पाणी उपशाचे पंप किर्लोस्कर कंपनीकडून खरेदी केले जाणार असून, ऑर्डर देण्यात आली आहे. मात्र, कंपनीकडून पंप मिळण्यास उशीर होणार आहे. त्यामुळे फेब्रुवारीत ही जलवाहिनी कार्यान्वित करण्यास अडचण येत असल्याचे कोळी यांनी नमूद केले.
त्यामुळे प्रशासक जी. श्रीकांत यांनी जलवाहिनीचे काम ३० डिसेंबरपर्यंत पूर्ण होणार होते. आता १५ जानेवारी कसे झाले? असा प्रश्‍न केला. हे काम कुठल्याही परिस्थित ३१ डिसेंबरपर्यंत पूर्ण करा, तुमच्याकडे पाच दिवस शिल्लक आहेत. दिवसरात्र काम सुरू ठेऊन जलवाहिनीचे काम पूर्ण करा. तसेच किर्लोस्कर कंपनीसोबत आपण बोलू आणि पंप तातडीने तयार करण्यास सांगू, असेही प्रशासक म्हणाले. दरम्यान, पंप वेळेत उपलब्ध झाले तर १४ फेब्रुवारीपासून शहराला दोन दिवसांआड पाणी पुरवठा सुरू करण्याच्या दृष्टीने प्रयत्न केले जाईल, असे एमजेपीच्या अधिकाऱ्यांनी सांगितले.
महिन्यापूर्वी ऑर्डर
या योजनेसाठी १,४५० अश्व शक्तीचे दोन पंप लागणार आहेत. ऑर्डर दिल्यानंतरच पंप कंपनी तयार करते. कंत्राटदाराने दोन महिन्यांपूर्वीच या पंपाची ऑर्डर दिलेली आहे. ८० टनाचा एक पंप असल्याने ते तयार करण्यास उशीर लागत आहे, असे बैठकीत सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
