औरंगाबाद जिल्ह्यात शेतात पाणी देत असताना शेतकऱ्यावर बिबट्याचा हल्ला, लोकांमध्ये दहशत

चापानेर (जि.औरंगाबाद) : बनशेंद्रा (ता.कन्नड) शिवारातील गट नंबर १६० शेतात आज शुक्रवार (ता.दोन) दुपारी एक वाजेदरम्यान बिबट्या आढळून आला आहे. या शेतात महेश मोतींगे हे पाणी भरण्यासाठी गेले असता अचानक मागून बिबट्याने हल्ला केला. यात ते जखमी झाले. ही  घटना शुक्रवारी (ता. दोन) रोजी दुपारी एक वाजेच्या सुमारास घडली आहे. त्यानंतर शेतकऱ्यांनी आरडाओरड केल्यावर आजूबाजूचे शेतकरी आणि गावकरी जमा होऊन संबंधित वनविभागतील वनपाल प्रवीण कोळी यांना घटनेबाबात माहिती देण्यात आली.

त्यानंतर प्रवीण कोळीसह वनकर्मचारी घटनास्थळी दाखल झाले असून पुढील कार्य सुरू आहे. जखमी महेश मोतींगे यांना दवाखान्यात दाखल करण्यात आले आहे. बिबट्या दिसल्याने शेतकऱ्यांमध्ये भीतीचे वातावरण तयार झाले. वन विभागाने लवकरात लवकर बिबट्याला जेरबंद करावे अशी मागणी होत आहे. अन्यथा अनेकांना जीव गमवावे लागेल.

Edited - Ganesh Pitekar