औरंगाबाद: कोरोनाच्या वाढत्या प्रादूर्भावामुळे लग्न समारंभ, मंगल कार्यालये बंद ठेवण्याचे आदेश असतानाही नारेगावात एका मंगल कार्यालयात तब्बल ८० ते ९० जणांची लग्नासाठी गर्दी झाल्याचा प्रकार उघडकीस आला. हा प्रकार नारेगावातील गोल्डन हॉल येथे घडला. या घटनेची माहिती मिळताच एमआयडीसी सिडको पोलिसांना या घटनेची मिळताच पोलिसांनी धाव घेत संबंधितावर गुन्हे दाखल केले.
या प्रकरणी एमआयडीसी सिडकोचे पोलिस निरीक्षक विठ्ठल पोटे यांनी दिलेल्या माहितीनुसार नारेगावातील संबंधित मंगलकार्यालयात लग्नासाठी गर्दी झाल्याची माहिती मिळाली होती. त्यावरुन तात्काळ धाव घेतली असता, गोल्डन हॉलमध्ये लोकं जमले होते.
पोलिस हॉलला पोहोचले तोपर्यंत लग्न आटोपले होते. दरम्यान पोलिसांनी मंगल कार्यालयाचा मालक कासीम शेख, मंगल कार्यालय चालविणारे व्यवस्थापक फईम शेख, जफर शेख यांच्यासह नवरदेव इमरान पठाण त्याचे वडील अन्सार पठाण तसेच नवरी शहेनाज शेख तिचे वडील हारुण शेख अशा सातजणांवर एमआयडीसी पोलिस ठाण्यात गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.