गंगापूर : पाणंद रस्ता मोकळा करावा म्हणून मोजणीसाठी अर्ज करूनही कुणी दखल घेत नसल्याने येथील भूमी अभिलेख कार्यालयातील अधिकाऱ्याला कोंडून घेताच पाणंद रस्ता मोजणी उद्याच होईल असे लेखी आश्वासन दिले. यानंतर धामोरी (खुर्द) येथील उपसरपंच रवींद्र चव्हाण यांनी आंदोलन मागे घेतले.
याबाबत अधिक माहिती अशी की, धामोरी (खुर्द) गावातील पाणंद रस्ता मोकळा करावा म्हणून अनेकदा मोजणीची तारीख मागितली. मात्र, संबंधित अधिकारी टाळाटाळ करीत होते. याविषयी आमदार प्रशांत बंब यांनी आमसभेत तत्काळ रस्ते मोकळे करण्यात यावेत, अशा सक्तीच्या सूचना अधिकाऱ्यांना दिल्या आहेत. तरीही अधिकारी प्रतिसाद देत नसल्याने धामोरी (खुर्द) येथील उपसरपंच चव्हाण यांनी शेतकऱ्यांसह आंदोलनाचा पवित्रा घेतला.
सहा महिने उलटूनही भूमी अभिलेख कार्यालयाकडून कुठलीच प्रक्रिया न झाल्याने संतप्त चव्हाण यांच्यासह शेतकऱ्यांनी भूमी अभिलेख कार्यालय गाठून अधिकाऱ्यांना कोंडून घेत जाब विचारला. यानंतर पाणंद रस्ता मोजणी उद्याच होईल असे लेखी आश्वासन कार्यालयातील अधिकाऱ्याने दिले. त्यानंतर आंदोलन मागे घेण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
