औरंगाबाद : आज इंधन खरेदी बंद; मात्र पेट्रोल पंप सुरू राहणार

औरंगाबाद : सध्या केंद्र सरकारने दर कमी केले असले तरी, इंधन कंपन्यांना तोटा सहन करीत इंधनाचा पुरवठा करावा लागत आहे. तसेच कंपन्यांतर्फे इंधन तुटवडा असल्याचे सांगण्यात येत असल्यामुळे जिल्ह्यातील पेट्रोलपंप ड्राय पडत आहे. दोन दिवसांपासून प्रत्येक पंपावर वाहनाचा रांगा लागत असून मंगळवारी पंपचालकातर्फे इंधन खरेदी करणार नसल्याचा निर्णय घेतला आहे. मात्र, पंप चालू राहणार असल्याची माहिती पेट्रोल-डिझेल डीलर असोसिएशनचे सचिव अखिल अब्बास यांनी सांगितले.

कंपन्यांतर्फे होणारे सातत्याने होणारी कृत्रिम टंचाई आणि पंपचालाकांची पाच वर्षांपासून कमिशन प्रश्‍न प्रलंबित ठेवण्यात आला आहे. यामुळे ३१ मे रोजी पेट्रोल-डिझेल खरेदी करणार नसल्याने जिल्ह्यातील २८० पेट्रोल ज्यांच्याकडे स्टॉक आहे. तेच पंप सुरु राहणार आहे. यामुळे जवळपास अर्ध्याहून अधिक पंप बंद राहण्याची शक्यता आहे. यामुळे पेट्रोलची टंचाई निर्माण होईल म्हणून अनेकांनी वाहनाची टाकी फूल करण्यासाठी पंपावर रांगा लावल्या होत्या. ग्रामीण मध्ये रविवारी रात्रीपासून लोकांच्या पंपावर रांगा लागल्या आहेत. सोमवारी बाबा पेट्रोल पंप, दिल्ली गेट, राज, हिंद, सेव्हन हिल परिसरातील अंबडवाडीकर पेट्रोल पंप यांसह विविध पंपावर वाहनधारकांच्या रांगा बघायला मिळाली. तर अनेक पंप ड्राय झाले.