गौताळ्यात पाच दशकांनंतर पट्टेदार वाघाचे दर्शन; संवर्धनासाठी होणार प्रयत्न

औरंगाबाद: जिल्ह्यातील गौताळा अभयारण्यात पाच दशकांनंतर पट्टेदार वाघाचे दर्शन झाले आहे. मार्चच्या पहिल्या आठवड्यात या वाघाच्या पायाचे ठसे वन विभागाच्या अधिकाऱ्यांना आढळले. त्यानंतर पंधरा मार्चला गौताळ्यात या पट्टेदार वाघ असल्याचे स्पष्ट झाले. वन विभागाने लावलेल्या ट्रॅप कॅमेऱ्यात या वाघाचे छायाचित्र कैद झाल्याची माहिती वन विभागाने दिली. आठ दशकानंतर हा वाघ आढळल्यामुळे त्याच्या संवर्धनावर वन विभागाला विशेष लक्ष द्यावे लागणार आहे. 

गौताळा अभयारण्यात १९४० मध्ये त्यानंतर १९७० मध्ये पट्टेदार वाघाचे दर्शन झाले होते. आता तिसऱ्यांदा पट्टेरी वाघाचे अस्तिव आढळले आहे. या महिन्याच्या पहिल्या आठवड्यात पाऊलखुणा दिसल्यानंतर गौताळ्यातील वन अधिकाऱ्यांनी ट्रॅप कॅमेरे लावले. १५ मार्चला कॅमेऱ्यात पट्टेदार वाघाचा वावर असतानाचे स्पष्ट झाले. हा पट्टेदार वाघ यवतमाळ जिल्ह्यातील टिपेश्‍वर अभयारण्यातून आलेला असून तो दोन वर्षांचा आहे.

बायोमेडिकल कचरा उघड्यावर, बजाजनगरच्या दवाखान्यांचा हलगर्जीपणामुळे नागरिकांचा...

संवर्धनासाठी हालचाली सुरू 
कोरोनामुळे गेल्या वर्षभरापासून गौताळा अभयारण्यातील पर्यटन बंद असल्यामुळे प्राण्यांना मुक्त संचार करता आला. यासह गौताळा अभयारण्यात वाघासाठी आवश्यक असलेले पोषक वातावरण आणि खाद्य उपलब्ध असल्यामुळे तो या भागात आला असावा असा अंदाज वर्तविली जात आहेत. यासह अजिंठा भागातही एकदा वाघ असल्याचे सांगण्यात आले. मात्र त्यांची कोणाकडे नोंद नाही. दीर्घ कालावधीनंतर गौताळ्यात पट्टेरी वाघाचे दर्शन झाल्यामुळे त्याच्या संवर्धनाची जबाबदारी वन विभागावर आली आहे. त्या दृष्टीने वन विभागातर्फे उपाययोजानांच्या हालचाली सुरू झाल्या आहेत.

राज्यात दुचाकी चोरणारी टोळी पकडली, तब्बल २३ दुचाकींसह साडेआठ लाखांचा ऐवज जप्त

तब्बल पाच दशकांनंतर गौताळा अभयारण्यात पट्टेदार वाघाचे वास्तव्य आढळले आहे. वाघ येण्याइतपत गौताळा अभयारण्याचे संवर्धन झाले आहे. येथे त्याला पोषक वातावरण मिळाले आहे. त्यामुळे हा वाघ आला आहे. तो आता गौताळ्यात राहील यासाठी प्रयत्न असतील. सर्वांच्या प्रयत्नांतून गौताळा आणखी समृद्ध करायचे आहे. 
- विजय सातपुते, विभागीय वन अधिकारी, (वन्यजीव), औरंगाबाद 

(edited by- pramod sarawale)