औरंगाबाद : जातिवाचक वसाहतींची नावे बदलण्याची गरज आहे काय?

औरंगाबाद : राज्य शासनाच्या आदेशानुसार शहरातील जातिवाचक वस्त्यांची नावे बदलण्याची प्रक्रिया महापालिकेने सुरू केली आहे. पण शहरातील ५० जातिवाचक वसाहतींची नावे बदलण्याची गरज आहे का? शासनाचे हे आदेश रद्द करण्यात यावेत, अशी मागणी आक्षेपांव्दारे करण्यात आली आहे. तब्बल एक हजार ४२ जणांनी आक्षेप दाखल केले आहेत.

राज्य शासनाच्या सामाजिक न्याय विभागाने जातिवाचक गावांची नावे, शहरातील वस्ती, रस्ते, चौकांची नावे बदलण्याचा निर्णय घेत अंमलबजावणी करण्याचे आदेश प्रशासनाला दिले आहेत. महापालिकेने त्यानुसार तयारी सुरू केली होती. या संदर्भात उपायुक्त अपर्णा थेटे यांनी सांगितले की, वॉर्ड अधिकाऱ्यांनी ५० वसाहतींची नावे वगळण्याची यादी सादर केली. नवे नावे काय ठेवायची? व नावे बदलण्यावर आक्षेप मागविण्यात आले होते. त्यानुसार १०४२ नागरिकांनी आक्षेप सादर केले आहेत. यात सर्वाधिक आक्षेपात हा शासन निर्णय रद्द करावा, अशी मागणी करण्यात आली आहे. काहींनी नावे बदलल्यास आंदोलन छेडले जाईल, असा इशारा दिला आहे.

अशी आहे यादी

• प्रभाग १ : डिंबर गल्ली, ब्राम्हण गल्ली , कुंभार गल्ली, मल्लावपूरा, बेगमपूरा, भिल्ल गल्ली, भिमनगर, भंगीवाडा, मांगवाडा (भावसिंगपूरा गाव), चांभारवाडा (भिमनगर, भावसिंगपूरा गाव), बौध्दवाडा, मोमीनपूरा, लोटाकारंजा, माळीवाडा (बारुदगर नाला).

• प्रभाग २ : धोबीघाट (काचीवाडा), तेलंगवाडा गवळीपूरा, बोहरी कठडा, जोहरीवाडा, कुंभारवाडा, रंगारगल्ली, पारधीपूरा भोईवाडा, बौद्धवाडा (पैठणगेट), कैकाडीवाडा, भोईवाडा.

• प्रभाग ४ : गोंधळवाडा, धनगर गल्ली, सोनार गल्ली, ब्राम्हण गल्ली, मांगवाडा, कैकाडी गल्ली, चांभार गल्ली, एकतानगरातील चांभार गल्ली, कोळीवाडा, सोनार गल्ली.

• प्रभाग ५ : भाटनगर, पटेलनगर, चौधरी कॉलनीतील, पटेलनगर.

• प्रभाग ६ : खाटीक गल्ली (कुरेशी गल्ली) धनगरवाडा, साठेनगर (मांगवाडा) बौध्दवाडा, सुतार वाडा, माळी गल्ली, कुंभारवाडा, तेलीगल्ली, मुल्लागल्ली, ब्राम्हण गल्ली, चांभारवाडा.

• प्रभाग ७ : बौध्दवाडा (गोंधडीपूरा), वैदुवाडा (वैदू मंदिर)

• प्रभाग ९ : बौद्धनगर.