अजिंठा लेणीत पर्यटकांचा बैलगाडीतून प्रवास, शंभरहून अधिक जण परतले

औरंगाबाद : एसटी महामंडळाच्या कर्मचाऱ्यांतर्फे वेतन वाढीसह इतर विविध मागण्यासंदर्भात गुरुवारपासून (ता.२८) बेमुदत आंदोलन सुरु करण्यात आले आहे. यामुळे जिल्ह्यातील सर्वच ठिकाणची बससेवा ठप्प झाली आहे. अजिंठा लेणीत (Ajanta Caves) असलेल्या पर्यावरणपूरक बससेवा बंद असल्यामुळे पर्यटकांना बैलगाडीने प्रवास करावा लागला. दुसरीकडे शंभरहून अधिक प्रवाशी माघारी परतले. अजिंठा लेणीत एसटी महामंडळातर्फे पर्यावरणपूरक बसेस चालविण्यात येते. एसटीच्या (Aurangabad) कर्मचाऱ्यांनी केलेल्या आंदोलनामुळे गुरुवारी सर्व बससेवा बंद ठेवण्यात आली. यामुळे अजिंठा लेणी पाहण्यासाठी मोठ्या उत्साहाने आलेल्या पर्यटकांचा हिरमोड झाला. अजिंठा लेणी पाहण्यासाठी गुरुवारी जिल्ह्यासह राज्यभरातून १४० पर्यटक आले होते. त्यापैकी केवळ ३० ते ३५ पर्यटकांनी बैलगाडीच्या माध्यमातून लेणीपर्यंत गेले. मात्र लेणीपर्यंत जाण्यासाठी (ST Bus Workers Strike) बैलगाडी चालकांनी जास्तीचे पैसे आकारले. आतापर्यंत व्ह्यु पॉँईट ते लेणीपर्यत जाण्यासाठी केवळ पर्यावरणपूरक बस धावतात, पहिल्यांदाच बैलगाडीचा वापर करण्यात येत आहे.

अजिंठा लेणी पाहण्यासाठी १४० पर्यटक आले होते. त्यापैकी तीस ते चाळीस प्रवाशांनी बैलगाडीच्या माध्यमातून लेणीपर्यंत प्रवास केला. उर्वरित शंभरहून अधिक प्रवाशी माघारी परतले. तर अनेकजण व्ह्यू पॉँईटवरूनच माघारी परतले आहे. बुधवारी बससेवा सुरळीत होती. आज बससेवा परिणाम झाल्यामुळे अनेक पर्यंटकांनी नाराजी व्यक्त केली. तर काहींनी बैलगाडीचा आधार घेतला.

- डी.एस.दानवे, वरिष्ठ संर्वधन सहायक, भारतीय पुरातत्त्व विभाग, अजिंठा लेणी

बससेवा ठप्प असल्यामुळे पर्यवाशांची गैरसोय झाली. यात काही शेतकऱ्यांनी पूढे येत बैलगाडीच्या माध्यमातून प्रवाशांना लेणीपर्यंत घेऊ गेले. पर्यटकांची गैरसोय टाळण्यासाठी एसटीची दोन बसेस शुक्रवारी (ता.२९) चालविण्यात येणार असल्याची माहिती, एमटीडीसीचे व्यवस्थापक श्री.रामदास यांनी सांगितले. यामुळे पर्यटकांच्या अडचणी दूर होतील.

- मौश्मी कोसे, प्रादेशिक व्यवस्थापक. एमटीडीसी, औरंगाबाद