esakal | कन्नड तालुक्यात पावसाचे पुनरागमन, पिकांना तात्पुरते जीवदान
sakal

बोलून बातमी शोधा

तळणी (ता. मंठा, जि. जालना) - जालना जिल्ह्यात काही भागांत शनिवारी वादळी वाऱ्यासह जोरदार बेमोसमी पाऊस झाला. तळणी येथे पावसानंतर शेतात साचलेले पाणी.

कन्नड तालुक्यात पावसाचे पुनरागमन, पिकांना तात्पुरते जीवदान

sakal_logo
By
संजय जाधव

कन्नड (जि.औरंगाबाद) : मोठ्या प्रतीक्षेनंतर गुरुवारी (ता.आठ) कन्नड तालुक्यात पावसाचे पुनरागमन झाले. तालुक्यातील काही भागांत मुसळधार, काही भागांत मध्यम, तर काही ठिकाणी तुरळक पावसाने पिकांना तात्पुरते जीवदान मिळाले आहे. सर्वदूर पाऊस पडण्याची अपेक्षा आहे. दरम्यान गुरुवारी तालुक्यातील देवगाव रंगारी, पिशोर व नाचनवेल भागात मुसळधार व मध्यम जोरदार पाऊस झाला, तर दुसरीकडे चापानेर,औराळा, चिखलठाण, करंजखेड या महसूल मंडळात तुरळक व मध्यम स्वरूपाचा पाऊस झाला. गेल्या महिन्याभरापासून पावसाच्या दीर्घ खंडामुळे तालुक्यातील ९९ हजार ७९२ हेक्टर जमिनीपैकी लागवड झालेल्या ८२ हजार १९७ हेक्टर म्हणजे तब्बल ८२.३७ टक्के जमिनीवर दुबार पेरणीचे संकट शेतकऱ्यांसमोर उभे होते. शेतकरी मिळेल, त्या साधनांनी व मिळेल त्या पर्यायाने पिकांना पाणी घालून त्यांना वाचवण्याची धडपड करत होते.aurangabad rain updates monsoon return in kannad tahsil

हेही वाचा: वसमत तालुक्यात कापसाचे क्षेत्र घटले, सोयाबीनच्या क्षेत्रात वाढ

तुरळक ठिकाणी पुरेसा ओलावा नसल्याने पूर्ण उतार न झालेल्या पिकांना मोडून शेतकरी दुसऱ्या पेरणीसाठी पावसाची पुन्हा वाट बघत होते. तालुक्याचे जून महिन्याचे सरासरी पाऊसमान १२५.२ मिलिमीटर इतके असून तालुक्यात जून महिन्यात १५१.८ मिलिमीटर इतका म्हणजे १२१.२ टक्के पाऊस पडला. जुलै महिन्यात गुरुवारपर्यंत (ता.आठ) सरासरी पाऊसमान ३९.७ मिलिमीटर इतके असताना प्रत्यक्षात केवळ ५.५. मिलिमीटर म्हणजे १३.९ टक्के पाऊस पडला आहे. विशेष म्हणजे मागील वर्षी ८ जुलैपर्यंत तालुक्यात तब्बल ३१०.७ मिलिमीटर म्हणजे १८८ टक्के इतका प्रचंड पाऊस पडला होता. दरम्यान गुरुवारी दुपारनंतर पावसाला सुरुवात झाली. त्यामुळे शेतकऱ्यांच्या आशा पल्लवित झाल्या. रात्री उशिरापर्यंत पडलेल्या पावसाने पिकांना तात्पुरते जीवदान मिळाले आहे.

हेही वाचा: भागवत कराडांनी केंद्रीय अर्थ राज्यमंत्रीपदाचा स्वीकारला पदभार

तालुक्यात गुरुवारी पडलेला पाऊस (कंसात या हंगामात आतापर्यंत पडलेला पाऊस मिलिमीटरमध्ये)

कन्नड - १७ मिलिमीटर (१५४)

चापानेर - १५ (२३५)

देवगाव रंगारी - ७८ (२४८)

चिखलठाण - १४ (१०७)

पिशोर - ४५ (२३६)

नाचनवेल - ३८ (१९१)

करंजखेड - १५(२१८)

चिंचोली लिंबाजी - २४ (३२२)

loading image