औरंगाबाद : पालकांनी भरविली जिल्हा परिषदेत शाळा! | Sakal
sakal

बोलून बातमी शोधा

Aurangabad Sharnapur Zilla Parishad school teacher

औरंगाबाद : पालकांनी भरविली जिल्हा परिषदेत शाळा!

औरंगाबाद : शासनाच्यावतीने शिक्षकांना वेळेवर आणि भरघोस पगार देण्यात येतो. असे असूनही जिल्ह्यातील अनेक शाळेत शिक्षक जाताना दिसत नाहीत, याचीच प्रचिती सोमवारी जिल्हा परिषद कार्यालयात बघायला मिळाली.

शरणापूर जिल्हा परिषद माध्यमिक शाळेत शिक्षक शिकवणीसाठी येत नसल्यामुळे पालकांनी सोमवारी विद्यार्थांना मेटाडोरमध्ये बसून थेट झेडपीच्या कार्यालयात आणून उभे केले. शरणापूर येथील जिल्हा परिषदेच्या शाळेत सहावी ते आठवीच्या वर्गात जवळपास २५० विद्यार्थी आहेत. शाळेत नऊ शिक्षकांची पदे मजूर असून त्यातील सात शिक्षक यांची भरती करण्यात आली आहे.

या सात शिक्षकांमधून दर दिवशी दोन ते तीन शिक्षक हे सुट्टीवर असतात. यामुळे शाळेत येणारे शिक्षक हे एक किंवा दोनच असल्यामुळे विद्यार्थ्यांचे नुकसान होत असल्याचा आरोप पालकांनी केला. दरम्यान शरणापुर येथील शालेय समितीचे अध्यक्ष व पालकांनी विद्यार्थ्यांना जिल्हा परिषदेत आणत मुख्य कार्यकारी अधिकारी यांच्यासमोर गाऱ्हाणे मांडले. यावेळी मुख्य कार्यकारी अधिकारी यांनी शिक्षण अधिकाऱ्यांना बोलावत संबंधित प्रकरणाची माहिती घेतली. व तत्काळ शिक्षकांना शाळेवर जाण्याचे आदेश दिले.

ग्रामस्थांनी लक्ष घालण्याची गरज

गावातील जिल्हा परिषदेच्या शाळेत शिक्षक रोज येतात की नाही, तसेच आल्यानंतर ते शिकवणी करतात की नाही याची चाचपणी गावकऱ्यांनी करायला हवी. तसेच ग्रामसभेला यात संदर्भात सर्वाधिकार दिले असून त्यांनी तो अधिकार वापरावे, तरच शिक्षक हे पूर्ण वेळ शाळेत राहून अध्यापनाचे काम करतील. यासाठी गावकऱ्यांनी आपल्या मुलांसाठी शाळेवर विशेष लक्ष देण्याची गरज आहे.

येत्या आठ दिवसात सर्व शिक्षक जर हजर झाले नाही तर विद्यार्थ्यांना घेऊन जिल्हा परिषद कार्यालयासमोर उपोषणाला बसणार.

- सय्यद कलीम कोदन, माजी झेडपी सदस्य

Web Title: Aurangabad Sharnapur Zilla Parishad Teacher Not Attending Schools

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top