Chhatrapati Sambhajinagar
esakal
गोलवाडी:कांचनवाडी परिसरातील गोलवाडी भागात असलेल्या पगारिया ऑटोच्या गोदामाला मंगळवारी (ता. २४) दुपारी भीषण आग लागल्याची घटना घडली. महापालिका आणि एमआयडीसीच्या १० बंबांच्या मदतीने सुमारे दीड तासानंतर आगीवर नियंत्रण मिळाले. गोदामाच्या बाजूला असलेला कचरा पेटविल्यानंतर तेथील ठिणगी उडून ही आग लागल्याचा अंदाज वर्तविला जात आहे. पाच ते सहा ऑटो जळाल्याने लाखो रुपयांचे नुकसान झाल्याचा प्राथमिक अंदाज व्यक्त केला जात आहे.