औरंगाबादमध्ये लॉकडाऊन ठरत आहे बाेलाची कढी बाेलाचा भात! रस्त्यांसह पेट्रोल पंपावर मोठी गर्दी

औरंगाबाद: शहरात वाढत्या कोरोनाचा प्रादुर्भाव पाहता जिल्हाधिकाऱ्यांनी शनिवार-रविवारी कडक लॉकडाउन घोषित केले आहे. असे असले तरी शहरातील पेट्रोल पंपावर नागरिकांची पेट्रोल भरण्यासाठी प्रचंड गर्दी होत आहे. परंतू पेट्रोल पंपावर केवळ अत्यावश्यक वस्तू व सेवा देणाऱ्या नागरिकांना पेट्रोल देण्यात येत आहे. तरीही काही नागरिक पेट्रोल भरण्यासाठी गर्दी करत आहेत.

शहरात दिवसेंदिवस झपाट्याने कोरोना बाधित रुग्णांची संख्या वाढत आहे. यासाठी आरोग्य व जिल्हा प्रशासनाच्या वतीने कसोटीचे प्रयत्न करण्यात येत आहे. परंतू कडक लॉकडाऊन असताना कोणत्या ना कोणत्या कारणामुळे नागरिक बाहेर पडत असून रस्त्यावर व पेट्रोल पंपावर पेट्रोल भरण्यासाठी गर्दी करत आहेत.

गावभर शोककळा! मुलाच्या अंत्यसंस्काराची तयारी सुरु असताना आईनेही सोडले प्राण

एकीकडे प्रशासनाच्या वतीने शनिवार-रविवार कडक लॉकडाऊन जाहीर केले असले तरी नागरिक मोठ्या प्रमाणात बाहेर पडत असल्याने लॉकडाऊनची गरजच काय असा प्रश्न निर्माण झाला आहे. शहरातील लॉकडॉऊन परिस्थितीचा आढावा घेण्यासाठी सकाळची टीम बाहेर पडली असता शहरातील सर्व पेट्रोल पंपावर नागरिकांची पेट्रोल भरण्यासाठी गर्दी पाहायला मिळाली.

अट्टल चोराकडून तीन लाख वीस हजार रुपये किमतीच्या बारा दुचाकी  जप्त

नागरिकांची अशीही शक्कल-

यात अत्यावश्यक वस्तू सेवा व्यतिरिक्त  इतर नागरिकही मोठ्या प्रमाणावर दिसत आहेत. यात पेट्रोल पंप चालकांकडून केवळ अत्यावश्यक वस्तू देणार्‍या नागरिकांनाच आय कार्ड दाखवून पेट्रोल देण्यात येत आहे. परंतू काही नागरिक छुप्या पद्धतीने आपल्या गाडीतील पेट्रोल काढून ते  इतरांच्या गाडीत देत आहेत.

प्रशासनाची कारवाई-

दरम्यान शहरातील तीन पेट्रोल पंप धारकांवर प्रशासनाच्या वतीने कारवाई करण्यात आली आहे. यामुळे शहरातील इतर पेट्रोल पंप धारक सतर्क झाले असून जीवनावश्यक वस्तू सेवा देणाऱ्या नागरिकांना पेट्रोल देण्यात येत आहे. परंतु इतर नागरिकही गर्दी करत असल्यामुळे क्रांती चौक, सेवन हिल व बाबा पेट्रोल पंपचालकांनी हे काही काळ पेट्रोल पंप बंद ठेवण्यात आले होते.

पोलिस कुठं कुणालाच माहित नाही?

नागरिकांवर वचक बसण्यासाठी आयुक्तांनी चौकाचौकात बंदोबस्ताचे आदेश दिले असतानाही शहरातील पोलिस यंत्रणा मोठ्या प्रमाणात अकार्यक्षम दिसत आहे. शहरातील मुख्य भागातही रस्त्यावर पोलिस दिसत नसल्याने नागरिक मोठ्या प्रमाणात विनाकारण बाहेर पडताना दिसत आहेत. शहरातील क्रांती चौक, सेवनहिल, उस्मानपूरा, पदमपूरा, दर्गा रोड भागात नागरिक गर्दी करताना दिसत आहेत. तसेच याभागात पोलिसही कारवाई करताना दिसत नाहीयेत.