Bidkin Traffic : बिडकीन शहरातील 'या' मार्गावर मोठी वाहतूक कोंडी; नोकरवर्ग, शालेय विद्यार्थी, वाहनधारकांना नाहक त्रास

सद्यस्थितीत छत्रपती शिवाजी महाराज चौक ते निलजगाव फाट्यापर्यंत रस्त्याची पार वाईट दुर्दशा झाली.
Traffic Jam on Nilajgaon to Shekta Phata Road
Traffic Jam on Nilajgaon to Shekta Phata Roadesakal
Summary

जलवाहिनीच्या सुरू असलेल्या कामामुळे रोडच्या एका बाजूला माती, मोठाले दगड मिश्रित मुरूम टाकण्यात आला आहे.

बिडकीन : बिडकीन शहरात (Bidkin) निलजगाव फाटा (Nilajgaon Phata) ते शेकटा फाटा अशा जलवाहिनीचे काम सुरू आहे. जलवाहिनीचे काम धिम्या गतीने सुरू असल्यामुळे रस्त्यावर वाहनांच्या लांबलचक रांगा लागत आहेत. नोकरवर्ग, शालेय विद्यार्थी, गावकरी, वाहनधारकांना नाहक त्रास सहन करावा लागत आहे.

सद्यस्थितीत छत्रपती शिवाजी महाराज चौक ते निलजगाव फाट्यापर्यंत रस्त्याची पार वाईट दुर्दशा झाली असून वाहन चालकांना मोठा मनस्ताप होत आहे. संत ज्ञानेश्वर मंगल कार्यालयासमोर समांतर जलवाहिनीच्या सुरू असलेल्या कामामुळे रोडच्या एका बाजूला माती, मोठाले दगड मिश्रित मुरूम टाकण्यात आला आहे.

Traffic Jam on Nilajgaon to Shekta Phata Road
'गणेश, आता आम्ही कोणाकडं बघायचं..'; आईनं फोडला टाहो, पर्यटनासाठी गेलेल्या तरुणांचा नदीत बुडून दुर्दैवी अंत

त्याला व्यवस्थित दाबलेले नाही. या ठिकाणी मोठ्या वाहनाला मनाई केलेली आहे, तरी ही लोडिंग ४०७, कंपनीच्या मिनी बस, खडी, डांबर वाहतूक करणारे मिनी टेम्पो व ढंपर असे विविध वाहने सुरू असल्याने लहान वाहने अडकून वाहतूक कोंडी होत आहे. समांतर जलवाहिनीचे काम करणाऱ्या ठेकेदार, कामगार वर्ग नुसती बघ्याची भूमिका घेत मनमर्जी, दुर्लक्ष करीत संथ गतीने काम करीत आहेत.

Traffic Jam on Nilajgaon to Shekta Phata Road
Traffic Jam on Nilajgaon to Shekta Phata Roadesakal

कृपया प्रशासनाने याकडे लक्ष देण्याची आवश्यकता आहे. खोदलेल्या नालिमधील पाणी रोडवर सोडल्याने चिखलाचे साम्राज्य तयार झाले असून अपघात होण्याची शक्यता नाकारता येत नाही. तसेच २ ते ३ दिवसांपूर्वी एसबी शाळेसमोर कंपनीची मिनी बस व दुचाकीचा अपघात झाला होता. त्याचबरोबर दुचाकीस्वारांना चिखलातून जीवघेणा प्रवास करावा लागत आहे.

जिल्हा परिषद शाळेला जायला रस्ता नाही, लहान मुलांना शाळेत जाण्यासाठी मोठी जीवघेणी कसरत करावी लागते, तरी ही ठेकेदार बघ्याची भूमिका घेत असल्यामुळे पालकांमधून संताप व्यक्त केला जात आहे. दरम्यान, छोटे वाहनधारक, नोकरवर्ग, गावकऱ्यांकडून जड वाहनांवर कार्यवाही तर नालितील पाणी सोडण्यासाठी पर्याय व्यवस्था करावी, अशी मागणी जोर धरू लागली आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com