Kidnapping
Kidnapping

अंगरक्षकाच्या नोकरीसाठी फिटनेस ट्रेनरचे अपहरण

तीन तास डांबून ठेवल्यानंतर त्याला सोडण्यात आले

औरंगाबाद : अंगरक्षकाच्या नोकरीसाठी फिटनेस ट्रेनरचे अपहरण करुण डांबून ठेवले. तीन तास डांबून ठेवल्यानंतर त्याला सोडण्यात आले. ही घटना बुधवारी (ता.१६) सायंकाळी घडली. त्यावरुन चौघांविरुद्ध क्रांतीचौक पोलिस ठाण्यात गुन्हा दाखल करण्यात आला.

जालना रोडवरील फिटनेस स्टोन जीममध्ये सय्यद जुबेर सय्यद अजीज (वय.२५, रा. मिसबाह कॉलनी, पडेगाव) हे फिटनेस ट्रेनर म्हणून कामाला आहे. गेल्या काही दिवसांपासून शेख अश्रफ शेख बाबू हा जुबेरला अंगरक्षक म्हणून आपल्याकडे नोकरी कर म्हणत त्याचा पिच्छा पुरवत आहे. यापूर्वी जुबेर त्याचा अंगरक्षक म्हणून काम करायचा.

मात्र, आता जुबेरने त्याला अंगरक्षक होण्यासाठी नकार दिला आहे. या कारणातून गुरुवारी (ता.१७) अश्रफने साथीदार सय्यद ख्वाजा बिन, सलमान आणि टिपूच्या मदतीने मारहाण करुण बळजबरी कारमध्ये बसवून गारखेडा परिसरातील इंदिरानगरात नेले. तेथे एका खोलीत जुबेरला तीन तास डांबून ठेवले. त्यानंतर त्याची सुटका करण्यात आली. तेथून परतल्यानंतर रात्री जुबेरने क्रांतीचौक पोलिस ठाणे गाठत अपहरणाची तक्रार दिली. याप्रकरणाचा पुढील तपास सहायक फौजदार नारायण गायके करत आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com