Chh. Sambhaji Nagar : घाटीच्या ‘सुपर स्पेशालिटी’चे खासगीकरण थांबवा

छत्रपती संभाजीनगर - शासनाने शासकीय वैद्यकीय महाविद्यालयाच्या सुपर स्पेशालिटी विभागाचे खासगीकरण करण्याचा निर्णय घेतला आहे. हे खासगीकरण रद्द करण्याची मागणी शिवसेना ठाकरे गटातर्फे घाटी रुग्णालयाच्या अधिष्ठांताकडे करण्यात आली आहे.

निवेदनात नमूद करण्यात आले आहे की, घाटीच्या सुपरस्पेशालीटी हॉस्पिटलमध्ये मराठवाड्यातील गोरगरीब रुग्णांची सोय होत होती. मात्र खासगीकरणामुळे त्यांना उपचार परवडणार नाही व ते उपचारापासून वंचित राहतील. त्यामुळे खासगीकरण थांबविण्यात यावे,

अन्यथा शिवसेना स्टाईलने आंदोलन करण्यात येईल. निवेदनावर शहर प्रमुख बाळासाहेब थोरात, सुंगधकुमार गडवे, हिराभाऊ सलामपुरे, संजय हरणे, राजेंद्र दानवे, वैजीनाथ म्हस्के, सचिन खैरे, किशोर नागरे, सुरेश पवार, विनायक देशमुख, गौरव पुरंदरे, सुरेश व्यवहारे, शेख रब्बानी, नीलेश घुले, बंटी जैस्वाल,

सुधीर घातूळे, संदीप सपकाळ, संदीप हिरे, सनी गिल, मयूर कुटे, सलमान शेख, राम पाखरे, सचिन राठोड, राजेश रानडे, प्रवीण अवसरे, राहुल सोनवणे यांची नावे आहेत.