Drug Mafia Bust Maharashtra
sakal
पडेगाव : मध्य प्रदेशातून ‘एमडी ड्रग्ज’ (मेफेड्रोन) शहरात आणून येथील तरुणांना नशेच्या जाळ्यात ओढणाऱ्या टोळीचा गुन्हे शाखेने पर्दाफाश केला आहे. पडेगाव परिसरात रविवारी (ता. एक) रात्री उशिरापर्यंत कारवाई करीत आरोपींकडून सुमारे एक कोटीचे अर्धा किलो ड्रग्ज जप्त केले. यात अकरा जणांवर गुन्हे दाखल करण्यात आले. तर ड्रग्ज विक्रीसाठी आलेले तीन आणि खरेदी करणारे चार अशा सात जणांना अटक करण्यात आली.