छत्रपती संभाजीनगर : पालकमंत्री संजय शिरसाट यांनी पोलिस आयुक्तालयात घेतलेल्या आढावा बैठकीत तंबी दिल्यानंतरही शहर पोलिसांच्या कामगिरीचा दर्जा सुमारच राहिल्याचे दिसून येत आहे. वाळूज परिसरात पाच दिवसांत दुसरा दरोडा पडल्याने भीतीचे वातावरण पसरले आहे. शहरातही मंगळसूत्र चोरी, लूटमार, घरफोडीच्या गुन्ह्यांची मालिका सुरूच असून पोलिसांचा कोणत्याही गुन्ह्यावर अंकुश राहिला नसल्याचे समोर आले आहे.