Sambhaji Nagar : आदित्य एल-वनचा संभाजीनगर मध्ये थरार

छत्रपती संभाजीनगर : धर्मवीर संभाजी माध्यमिक व उच्च माध्यमिक विद्यालय येथे आदित्य एल वन यानाचे प्रात्यक्षिके दाखविण्यात आले. इस्रोने आदित्य एल वन यान सूर्याचा अभ्यास करण्यासाठी पाठवले होते. गेली चार महिने प्रवास केल्यानंतर हे यान ६ जानेवारी २०२४ लॅगरॅजेस पॉइंटला पोचले आहे. या पार्श्वभूमीवर विद्यालयाच्या प्रांगणात बुधवारी (ता. १०) त्याच्या प्रतिकृतीचे प्रात्यक्षिक दाखविण्यात आले.

संस्थेचे सचिव निवृत्ती गावंडे पाटील तसेच डॉ. एपीजे अब्दुल कलाम खगोलशास्त्रीय संशोधन संस्थेचे (एमजीएम) विभागप्रमुख श्रीनिवास औंधकर, रूपाली औंधकर, प्राचार्य नारायणराव बाभूळगावकर, शालेय समिती सदस्य डॉ. आनंद औटी, पर्यवेक्षक दिलीप गायके यांची प्रमुख उपस्थिती होती.

महेश कुलकर्णी, विलास उबाळे यांच्या वैदिक गणित व चांद्रयान ३ प्रकल्पाची निवड राज्यपातळीवर झाल्याबद्दल त्यांचाही सत्कार करण्यात आला. सूत्रसंचालन अर्जुनराव दांडगे, श्रावणी सरोदे आणि विनायक राऊत यांनी केले. तसेच मोहिमेचे प्रमुख विलास उबाळे यांनी आभार मानले. कार्यक्रम यशस्वितेसाठी मीनाक्षी गाडेकर, सुलभा नांदेडकर, सोनाजी सोरमारे, सुनीता उमरीकर, रत्नमाला हिवराळे आदी शिक्षकांनी मदत केली.