छत्रपती संभाजीनगर : ‘‘मॅडम... मला मदत करा, नाहीतर माझी मुलगी उद्या होळीच्या दिवशी नशा करण्यासाठी गायब होईल! काहीही करा, पण माझ्या मुलीला यापासून वाचवा हो...’’ अत्यंत भेदरलेल्या सुरात एका मातेचा हा कॉल दामिनी पथकाला आला आणि त्याही हादरून गेल्या. अवघी चौदा वर्षांची लेक दारू-गांजाच्या आहारी गेल्याचे दुःख या मातेने सांगताच क्षणभर काय बोलावे, हे दामिनी पथकातील कर्मचाऱ्यांनाही सुचत नव्हते. त्यांनी तातडीने या मुलीच्या घरी जाऊन तिला समजावले आणि व्यसनमुक्ती केंद्रात दाखल केले.