Chatrapati Sambhaji Nagar: तळपत्या उन्हात शेतकऱ्यांचा विभागीय आयुक्तालयावर मोर्चा; कारण, अनुदान...

छत्रपती संभाजीनगर : मराठवाड्यातील शेतकऱ्यांना एकरी दहा हजार रूपयांची पेरणीपुर्व मदत देण्यात यावी, या प्रमुख मागणीसाठी शेतकऱ्यांनी विभागीय आयुक्तालयापर्यंत पदयात्रा काढली. रणरणत्या ऊन्हात शेतकऱ्यांनी क्रांतीचौकापासून पदयात्रा काढून विभागीय आयुक्त सुनिल केंद्रेकर यांना निवेदन दिले.

रणरणते ऊन असतानाही त्याची पर्वा न करता युवा शेतकरी संघर्ष समितीचे गणेश उगले पाटील यांच्या नेतृत्वात सोमवारी (ता. २२ ) गणेश उगले पाटील यांच्या नेतृत्वात आंदोलन करण्यात आले. मराठवाड्यात शेतकरी आत्महत्या वाढलेल्या असून बहुतांश शेतकरी आत्महत्यांच्या मागे अर्थिक कारणे असल्याचे बळीराज सर्वेक्षणातुन पुढे येत आहे.

यानंतर विभागीय आयुक्त सुनिल केंद्रेकर शेतकऱ्यांना खरीप आण रब्बी हंगामाच्या पेरणीपुर्वी दहा हजार रूपयांचे अनुदान देण्याची शिफारस शासनाकडे केली आहे.

या पार्श्‍वभूमीवर युवा शेतकरी संघर्ष समितीच्यावतीने पदयात्रा काढण्यात आली. क्रांतीचौकात छत्रपती शिवाजी महाराज यांच्या पुतळ्याला अभिवादन करून पदयात्रेची सुरूवात झाली.

ऊन चांगलेच तापलेले असतानदेखील उन्हाची पर्वा न करता आंदोलक शेतकरी विभागीय आयुक्त कार्यालयापर्यंत चालत गेले. यावेळी त्यांनी विभागीय आयुक्त सुनिल केंद्रेकर यांची भेट घेऊन निवेदन दिले. विभागीय आयुक्तांच्या माध्यमातुन शासनाकडे निवेदनाद्वारे मागणी करण्यात आली आहे

त्यात म्हटले आहे की, मराठवाड्यातील शेतकरी अतिवृष्टी, गारपीट, सततच्या पावसामुळे अडचणीत आला आहे. (Latest Marathi News)

विभागीय आयुक्तांनी मराठवाडा विभागाचा सर्वे करून शेतकऱ्यांना पेरणीच्यावेळी एकरी दहा हजार रूपये अनुदान देण्याची शासनाकडे शिफारस केली आहे. त्या शिफारशीची तात्काळ अंमलबजावणी करण्यात यावी अशी मागणी करण्यात आली आहे.

केंद्रेकर यांचा केला सत्कार

शेतकरी संकटात असताना विभागीय आयुक्त सुनिल केंद्रेकर यांनी चांगला प्रस्ताव दिला आहे. शासनाने त्यांच्या या प्रस्तावाला तातडीने मंजुरी द्यावी असा ५१ ग्रामपंचायतीनी घेतलेला ठराव विभागीय आयुक्तांकडे देण्यात आला. तसेच श्री. केंद्रेकर यांना देवदुताचा मान देत शेतकऱ्यांच्या वतीने त्यांच्या दालनात सत्कार करण्यात आला. (Marathi Tajya Batmya)