Chhatrapati Sambhajinagar News: उसाचे पैसे थकले, शेतकरी आर्थिक संकटात; ‘जय हिंद’ला ३० मार्चची डेडलाइन, अन्यथा दवंडी आंदोलन

कायगाव: गंगापूर तालुक्यातील ऊस उत्पादक शेतकऱ्यांचे एक जानेवारी ते १५ मार्च २०२६ या कालावधीत जय हिंद शुगर कारखान्याकडून उसाचे कोट्यवधींचे देयक थकल्याने शेतकरी आर्थिक अडचणीत सापडले आहेत. उसाची तोड होऊन तीन महिने उलटूनही पैसे न मिळाल्यामुळे अनेक शेतकऱ्यांची कर्जखाती थकबाकीत गेली असून, खासगी सावकारांचा तगादा वाढला आहे.