ईट : कोल्हापूरच्या जोतिबाचे ठाण म्हणून प्रसिद्ध असलेल्या जोतिबाचीवाडी (ता. भूम, जि. धाराशिव) येथील जोतिबा यात्रेला शनिवारी सुरवात होत असून, गावकऱ्यांनी जय्यत तयारी केली आहे..धाराशिवसह बीड, अहिल्यानगर जिल्ह्यांसह राज्यभरातून भाविक दर्शनासाठी येतात. मराठवाडा व पश्चिम महाराष्ट्राच्या सीमेवरील बालाघाट डोंगर रांगांच्या कुशीत वसलेले हे देवस्थान आहे. कोल्हापूरच्या जोतिबाचे जागृत ठाणे म्हणून देवस्थानाची ओळख असल्याने वर्षभर भाविकांची वर्दळ असते. चैत्री पौर्णिमेला येथे यात्रा भरते. यात्रेच्या मुख्य दिवशी पहाटे पालखी मिरवणूक, छबिना मानाच्या सासन काठ्यांची मिरवणूक हे मुख्य आकर्षण असते. यात्रेत खाद्यपदार्थांची दुकाने, खेळण्यांच्या दुकानांसह व्यापारी वेगवेगळे स्टॉल लावतात..शनिवारी आंबीलचा प्रसाद, तर मुख्य यात्रेच्या दिवशी रविवारी (ता.१३) विविध धार्मिक कार्यक्रम होणार आहेत; तसेच सायंकाळी जोतिबा दरबारी ढोल-ताशा आणि लेझीम नृत्याची जुगलबंदी रंगणार आहे. सोमवारी (ता.१४) पहाटे चार वाजता फटाक्यांच्या आतषबाजीत गुलाल, खोबऱ्याची उधळण करीत पालखी मिरवणूक काढण्यात येणार आहे. दुपारनंतर जंगी कुस्त्यांचे फड रंगणार असून, सायंकाळी मिरवणुकीने यात्रेची सांगता होणार आहे..भाविकांच्या देणगीतून जोतिबा मंदिराचा जीर्णोद्धार करण्यात आला. जोतिबा यात्रोत्सवाची यात्रेकरी वर्षभरापासून वाट पाहतात. एकता आणि समतेचा विचार देणाऱ्या यात्रेत राज्यातील हजारो भाविक यात्रेनिमित्त एकत्र येतात. गुलाल, खोबऱ्याच्या उधळणीत काढण्यात येणाऱ्या जोतिबा पालखी मिरवणुकीचा विलक्षण सोहळा टिपण्यासाठी भाविक आतुरतेने वाट पाहतात.- लक्ष्मण जाधव, जोतिबाची वाडी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
