Crime News : घरीच जेवण्याचा आग्रह केल्याने पतीने पत्नीला लाकडी स्टंपने बदाडले

छत्रपती संभाजीनगर - पत्नीच्या वाढदिवसानिमित्त पतीने हॉटेलमध्ये जेवायला जाण्याचा बेत आखला. मात्र, यावर ‘घरी जेवण बनवले आहे, घरीच जेवुया, तुम्ही फक्त मुलांचे शाळेचे पुस्तक घेऊन या’ असे पत्नीने उत्तर दिले. यामुळे पतीची सटकली अन् त्याने पत्नीला अक्षरशः लाकडी स्टंपने बेदम मारहाण केली.

हा प्रकार घडल्यानंतर पत्नीने थेट पोलिस ठाण्यात धाव घेतली अन् पतीविरोधात तक्रार दिली. यावरून पोलिसांनीही २९ जुलैला मारकुटा पती सय्यद जावेद शहा आबेद शहा (रा. अबरार कॉलनी, मिलेनियम स्कूलजवळ, पिसादेवी रस्ता) याच्यावर गुन्हा दाखल केला आहे. तपास नाईक गोरे करत आहेत.