जालन्यात भरदिवसा पिस्तुलीचा धाक दाखवून व्यापाऱ्याला लुटले, दरोडेखोर पसार

जालना : शहरातील (Jalna) संभाजीनगर येथील पारस एजन्सी या व्यापाऱ्याला दुकान एलबो खरेदीचा बहाणा करून तीन दरोडेखोरांनी पिस्तूल (Pistol) आणि चाकूचा (Knife) धाक दाखवून लुटल्याची (Looting) घटना रविवारी (ता.नऊ) दुपारी बारा-साडेबारा वाजेच्या सुमारास घडली. यावेळी व्यापारी (Trader) व दरोडेखोर यांच्यात झालेल्या हातापायीत व्यापारी सावरमल झाला हे जखमी झाले. शहरातील संभाजीनगर परिसरात सावरमल झाला यांची हार्डवेअरची पारस एजन्सी आहे. या परिसरात ते राहतात. रविवारी दुपारी बारा-साडेबारा वाजेच्या सुमारास दोन ते तीन व्यक्ती त्यांच्याकडे आले. आमचे काम थांबले असून आम्हाला एलबो द्या, अशी विनंती त्यांनी सावरमल झाला यांनी केली. (Jalna Crime News Trader Looted In Day Light, Thieves Ran Away)

त्यामुळे सावरमल झाला यांनी दुकान उघडले. दुकानात प्रवेश करताच तीन जणांपैकी एकाने पिस्तुल व एकाने चाकू काढत सावरमल झाला यांना धमकावत गळ्यातील सोन्याची साखळी, अंगठी व गळ्यातील २० ते २५ हजार रूपये असा ऐवज लंपास केला. विशेष म्हणजे हे दरोडेखोरांनी सीसीटीव्ही फुटेज ही घेऊन जाण्याचा प्रयत्न केला. मात्र, व्यापारी सावरमल झाला व दरोडेखोरांमध्ये हातपायी झाल्याने या तिघांनी पिस्तुल व चाकू घटनास्थळी सोडून पळ काढला. दरम्यान त्याचा एक साथीदार दुचाकी घेऊन बाहेर उभा होता. दरोडा टाकल्यानंतर दोन दुचाकीवरून हे सर्व जण पसार झाले. या घटनेची माहिती मिळताच सदर बाजार पोलिसांनी घटनास्थळी भेट दिली. तसेच शहरात नाकाबंदी लावली. मात्र, दरोडेखोर पोलिसांच्या हाती लागले नाही.

लॉकडाउन बंदोबस्त नसल्याचा परिणाम

जिल्ह्यात सध्या कोरोना संसर्ग रोखण्यासाठी लॉकडाउन लागू आहे. त्यामुळे रस्त्यावर वाहनांची नेहमीप्रमाणे गर्दी नाही. परंतु, पोलिसांकडून ही लॉकडाउन बंदोबस्त लावण्यात आलेला नाही. त्यामुळे लॉकडाउनमध्ये अनेक जण बिनबोभाट फिरत आहेत. याचा फायदा घेत हे दरोडेखोर लॉकडाउन लागू असताना ही भरदिवसा पिस्तुल व चाकू घेणे शहरात दुचाकीवर फिरत दरोडा टाकला. जर लॉकडाउनचा चौकाचौकात पोलिसांकडून बंदोबस्त लावून लॉकडाउनमध्ये विनाकारण फिरणाऱ्यांवर कारवाईसह झडत्या घेतल्या असत्या तर ही घटना टाळता आली असते.