जेसीबी, क्रेन वापरून भूमिगत केबल चोरली | Sakal
sakal

बोलून बातमी शोधा

Thief

जेसीबी, क्रेन वापरून भूमिगत केबल चोरली

लातूर : येथील एमआयडीसी भागातील बीएसएनएलने भूमिगत टाकलेली सात लाख ८० रुपये किमतीची केबल चोरट्यांनी लंपास केली. चोरट्यांनी जेसीबी, क्रेनचा वापर करून एका टेम्पोत भरून ती नेली. एमआयडीसी भागात एक नंबर ते दोन नंबर बसस्टॉपच्या दरम्यान २२ ते २५ जुलै दरम्यान रात्री पावसात हा चोरीचा प्रकार घडला आहे.

चोरट्यांनी दोन ठिकाणी खोदकाम करून खड्डा तयार केला. त्यातून त्यांनी केबल बाहेर काढून लांबवली. या प्रकरणी उपविभागीय अभियंता बळवंत नाईकवाडे यांच्या फिर्यादीवरून एमआयडीसी पोलिस ठाण्यात गुन्हा नोंद झाला. अशा पद्धतीने केबल चोरीचा प्रकार पहिल्यांदाच घडला आहे. यामागे एखादी टोळी कार्यरत असण्याची शक्यता पोलिसांनी व्यक्त केली आहे.

Web Title: Jcb Stole Underground Cable Crane Thief

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..