Sanjay Shirsat : शेंद्रा एमआयडीसीचा भूखंड थेट शिरसाटांच्या मुलाच्या नावावर? जलीलांचे आरोप गंभीर

छत्रपती संभाजीनगर : हॉटेल विटस् प्रकरणापाठोपाठ शेंद्रा औद्योगिक वसाहतीतील २१ हजार २७५ चौरस मीटरचा अवाढव्य भूखंड मुलाला देण्यात आल्याचे प्रकरण उघडकीस आल्याने पालकमंत्री संजय शिरसाट चांगलेच अडचणीत आले. .एकीकडे एमआयडीसीमध्ये इंचभर जागा शिल्लक नसताना दुसरीकडे ट्रक टर्मिनलसाठी आरक्षित असलेल्या २१ हजार २७५ चौरस मीटर जागेचे आरक्षण हटवत ती जागा सामाजिक न्यायमंत्री तथा पालकमंत्री संजय शिरसाट यांच्या मुलाला देण्यात आली असून, येथे कंपनीचे काम सुरू असल्याचा आरोप एमआयएमचे माजी खासदार इम्तियाज जलील यांनी केला आहे..इम्तियाज जलील यांनी शुक्रवारी (ता. सहा) पत्रकार परिषद घेत त्यांनी संजय शिरसाट आणि एमआयडीसीच्या अधिकाऱ्यांच्या कामकाजाची पोलखोल केली. यावेळी इम्तियाज म्हणाले, की शेंद्रा एमआयडीसीत ट्रक टर्मिनलसाठी दोन भूखंड आरक्षित ठेवण्यात आले होते. यात ४२ हजार चौरस मीटर जागेवर २५० ट्रक; तर २१ हजार २७५ चौरस मीटर जागेवर जवळपास ७० ते ८० ट्रक थांबतील, अशी व्यवस्था होती..Domestic Violence : हुंड्यासाठी घरातच गुंडे! छत्रपती संभाजीनगर शहरातील विविध सात घटनांत विवाहितांचा छळ.परंतु, एमआयडीसीचे अधिकारी आणि संजय शिरसाट यांनी दुसऱ्या भूखंडाची काही गरज नाही, असे गळी उतरवत त्या जागेचे आरक्षण हटवायला लावले. दरम्यानच्या काळात, म्हणजे जून २०२२ मध्ये सिद्धांत शिरसाट यांनी एमआयडीसीमध्ये जागा मिळावी यासाठी अर्ज केला. त्यानंतर सिद्धांत शिरसाट यांनी १०५ कोटी रुपयांचे भांडवल असलेली ‘कॅमिओ डिस्टिलरीज’ स्थापन करून ६ कोटी ९ लाख ४० हजार २०० रुपयांत २१ हजार २७५ चौरस मीटर जागा खरेदी केली. स्वतःचे भागभांडवल म्हणून २६ कोटी ४७ लाख रुपये दिले जातील आणि ऊर्वरित ७९ कोटी ४२ लाख रुपये बँकेकडून कर्ज घेण्यात येईल, असे एमआयडीसीला दिलेल्या अर्जात नमूद केले..एमआयडीसीचे अधिकारी मेहेरबानएकीकडे हाॅटेल विटस प्रकरण ताजे असताना इम्तियाज जलील यांनी एमआयडीसी येथील प्लॉटचा घोटाळा बाहेर काढल्यामुळे शिरसाट आणि एमआयडीसीच्या अधिकाऱ्यांच्या कारभारावर प्रश्नचिन्ह निर्माण होत आहे. या प्रकरणाची मुख्यमंत्री, इडी, इन्कम टॅक्स, सीबीआयकडे चौकशी करण्यात यावा, अशी मागणी इम्तियाज जलील यांनी केली..काय आहे ‘कॅमिओ डिस्टिलरीज’?मराठवाड्यातच नव्हे, तर महाराष्ट्रात मद्य निर्मितीमध्ये छत्रपती संभाजीनगर अव्वल स्थानावर आहे. याच मद्य निर्मितीसाठी लागणाऱ्या वस्तू व उत्पादन निर्मितीसाठी सिद्धांत शिरसाट यांनी ‘कॅमिओ डिस्टिलरीज’ या नावाने कंपनी स्थापन केली आहे..संचालकांमध्ये मुलगा,पत्नी आणि बिल्डरया कंपनीत तीन संचालकांमध्ये संजय शिरसाट यांच्या पत्नी विजया, मुलगा सिद्धांत आणि बिल्डर भावेन अमीन यांचा समावेश होता. परंतु, केवळ प्लॉट खरेदी करेपर्यंत अमीन संचालक होते. प्लॉट मिळाल्यानंतर अमीन कंपनीतून बाहेर पडले आणि सर्व कंपनीचा मालकी हक्क शिरसाट कुटुंबीयांकडे आला आहे. त्यामुळे केवळ मंत्र्याच्या मुलाला जागा मिळावी यासाठी एमआयडीसीचे अधिकारी, उद्योगमंत्री आणि संजय शिरसाट यांची मिलीभगत असल्याचा आरोपही इम्तियाज यांनी केला आहे..शिरसाट ‘महाशक्ती’च्या रडारवरछत्रपती संभाजीनगर ‘निधी वळवला जात असेल, तर खातेच बंद करा’ अशा भाषेत आपल्याच सरकारविरोधात उघड उघड घेतलेली भूमिका सामाजिक न्यायमंत्री संजय शिरसाट यांना भोवल्याचे मागील काही दिवसांतील घटनांवरून स्पष्ट झाले आहे. आधी चिरंजीवाचे महिलेसंदर्भातील प्रकरण, नंतर व्हिट्स हॉटेल खरेदी प्रकरण आणि आता शेंद्रा एमआयडीसीतील जमीन मुलासाठी खरेदी केल्याचे प्रकरण यामुळे शिरसाट यांची चांगलीच अडचण झाली आहे. शिवसेना आणि भाजप यांच्यातील ताणल्या गेलेल्या संबंधांची पार्श्वभूमी बघता संजय शिरसाट महाशक्तीच्या ‘रडार’वर आल्याचे राजकीय वर्तुळात बोलले जात आहे..उपमुख्यमंत्री एकनाथ शिंदे यांचे विश्वासू समजले जाणारे संजय शिरसाट यांनी आक्रमकपणे भूमिका मांडताना ठाकरे गटातील सगळ्याच नेत्यांवर सातत्याने कठोर टीका केली आहे. यंदाच्या मे महिन्याच्या पहिल्या आठवड्यात शिरसाट यांनी उपमुख्यमंत्री अजित पवार यांच्या अर्थ खात्यावर सडकून टीका केली होती. शिरसाट हे सामाजिक न्याय खात्याचे मंत्री आहेत. लाडकी बहीण योजनेचे पैसे देण्यासाठी त्यांच्या खात्याचा निधी वळवण्यात आला होता. त्यामुळे शिरसाट यांनी अर्थ खात्यावर टीकेचे बाण सोडले होते. महायुतीत अजित पवार यांचा प्रवेश शिवसेनेला आवडला नव्हता. त्यामुळे धुसफूस सुरूच होती. निधी वळवण्याच्या निर्णयावर शिरसाट यांनी जाहीरपणे नाराजी व्यक्त केली. एवढेच नव्हे, तर निधी वळवला जात असेल तर खातेच बंद करा या भाषेत टीका केली. यामुळे त्यांनी अजित पवारांसह मुख्यमंत्री देवेंद्र फडणवीस यांचाही रोष ओढवून घेतला..राज्य स्तरावर शिवसेना आणि भाजप यांच्यात धुसफूस सुरु असल्याची चर्चा असताना इकडे स्थानिक पातळीवरही शिरसाट यांनी पक्षातील आणि बाहेरच्या विरोधकांना लक्ष्य करणे सोडले नाही. त्यांच्याकडून ना अब्दुल सत्तार सुटले, ना प्रदीप जैस्वाल, ना अंबादास दानवे ना इम्तियाज जलील! इतकेच काय, तर त्यांनी काही दिवसांपूर्वीच भाजपच्या स्थानिक नेत्यांनाही निशाण्यावर घेतले होते. अशात शिरसाट यांच्या मुलाचे प्रकरण बाहेर आले. एका महिलेने त्यांच्या मुलाला कायदेशीर नोटीस बजावली होती. माध्यमांत त्याची चर्चा सुरू झाली आणि शिरसाट यांची कोंडी झाली. दोन-तीन दिवसांतच हे प्रकरण मिटवण्यात शिरसाट यांना यश आले. हे प्रकरण शांत होत असतानाच विट्स हॉटेल खरेदी प्रकरण चर्चेत आले. शिरसाट यांनी छत्रपती संभाजीनगर येथील एका हॉटेलच्या लिलाव प्रक्रियेत सहभाग घेतला होता. शिरसाट यांच्यासाठी नियम शिथिल करण्यात आले, असे आरोप झाले. ते प्रकरण शांत होत आहे, असे वाटत असतानाचा आता पुन्हा एकदा सामाजिक न्याय विभागाचा निधी लाडकी बहीण योजनेसाठी वळवल्याचे समोर आले. मंत्री शिरसाट यावर नाराजी व्यक्त करायच्या आधीच हे नवे भूखंड प्रकरण समोर आले आहे..MNS Protest : मनसेने उधळल्या नकली नोटा; महानगरपालिकेत पार्किंगच्या मुद्यावर आंदोलन .एकाकी पडण्याची बीजे पालकमंत्री पदातच!या सर्व प्रकरणांत शिरसाट यांच्या मदतीला पक्ष किंवा पक्षाचे शहर, जिल्ह्यातील त्यांचे सहकारी आल्याचे दिसत नाही. ते पालकमंत्री असण्यातच त्यांच्या एकाकी पडण्याची बीजे रोवली गेली आहेत. शिवसेनेतील पदाधिकाऱ्यांच्या मते, अत्यंत नियोजनबद्ध पद्धतीने त्यांची एकेक प्रकरणे बाहेर काढली जात आहेत. त्यामुळे शिरसाट आता महाशक्तीच्या ‘रडार’वर आल्याचे दिसते, असे राजकीय वर्तुळात बोलले जात आहे.शिरसाट म्हणाले, मला बोलायचे नाही!इम्तियाज जलील यांनी केलेल्या आरोपांवर बोलण्यास मंत्री संजय शिरसाट यांनी स्पष्ट नकार दिला. कोणी काहीही म्हणेल आणि मी त्याला उत्तर देत बसायचे का, असा प्रश्नही त्यांनी केला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Sanjay Shirsat : शेंद्रा एमआयडीसीचा भूखंड थेट शिरसाटांच्या मुलाच्या नावावर? जलीलांचे आरोप गंभीर

Related Stories