छत्रपती संभाजीनगर - बेंबळी (जि. धाराशिव) दाखल झालेल्या गुन्ह्यानुसार येथील एका महिलेला विवाहाचे अमिष दाखवून संबंध ठेवले. त्यातून बाळ जन्मल्यानंतर आपला संबध नसल्याचा दावा पित्याने केला होता..डिएनए चाचणीतून तोच पिता असल्याचे स्पष्ट झाल्याने विषेश न्यायालयाने जामिन नाकारला होता. मात्र त्यांचे सहमतीने संबंध होते, या मुद्द्यावरुन पित्याला जामिन मंजूर करण्याचे आदेश मुंबई उच्च न्यायालयाच्या औरंगाबाद खंडपीठाचे न्यायमूर्ती किशोर संत यांनी दिले आहेत..बेंबळी पोलिस ठाण्यात एका महिलेला लग्नाचे अमिष दाखवून एका पुरुषाने शारिरीक संबध ठेवले. यातून महिलेला दिवस गेले, त्यानंतर मात्र त्या पुरुषाने माझा संबध नाही असा पावित्रा घेतला. त्यामुळे तरुणीने दिलेल्या फिर्यादीवरुन गुन्हा दाखल झाला होता..महिलेच्या पोटातील गर्भ २६ आठवड्यापेक्षा अधिक झाल्याने गर्भपात शक्य नव्हता. त्यावेळी पुरुषाने संबंध नाकारल्यानंतर डिएनए चाचणी करण्यात आली, त्यातून तोच होणाऱ्या बाळाचा पिता असल्याचे स्पष्ट झाले. डिएनए चाचणीचा अहवाल पॉझिटीव्ह आल्याने विषेश न्यायालयाने पित्याला जामिन देण्यास नकार दिला..त्याविरोधात पित्याने ॲड. गणेश कोरे यांच्या मार्फत औरंगाबाद खंडपीठात धाव घेतली. सुनावणी दरम्यान सदर महिला व पुरुषाचे संबंध हे परस्पर सहमतीने होते या मुद्यावरुन जामिन मंजूर केला. मात्र सदर पित्याला धाराशिव जिल्ह्यात प्रवेश करण्यास मनाई केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
