Chh. Sambhajinagar Robbery : रामराईत शेतवस्तीवर दरोडा; मारहाणीत तिघे जखमी,४८ हजारांचे दागिने लंपास

वाळूज : वाळूजलगतच्या रामराई शिवारातील शेतवस्तीवर टाकलेल्या दरोड्यात दरोडेखारांनी मारहाण करीत ४८हजार रूपयांचा सोन्याचा ऐवज लुटला.आठ ते दहा संख्या असलेल्या दरोडेखोरांनी तोंड बांधुन हा दरोडा टाकला.या मारहाणीत तिघेजण गंभीर जखमी झाले आहेत. .त्यात एका महिलेसह तरूणीचा समावेश आहे.ही घटना रविवारी(ता.१८)मध्यरात्रीनंतर घडली.याप्रकरणी वाळूज पोलीसात गुन्हा नोंदविण्यात आला आहे. येथील रामराई गावालगत दिगंबर धोंडिराम वाघमारे यांची शेतवस्ती आहे.शेतवस्तीवर एक पत्र्याची व दोन स्लॅबमधील पक्क्या अशा तीन खोल्या आहेत.घराची दारे उत्तर बाजूकडे आहेत..Prashant Kishor Kalyanbigha Entry : कल्याणबिघा येथे प्रवेशापासून; प्रशांत किशोर यांना रोखले.या शेतवस्तीवर दोघा मुलांच्या कुटूंबासह एकुण नऊ जण वास्तव्यास आहेत.घटनेच्यादिवशी रविवारी रात्री साडेदहाच्या सुमारास सर्वजण जेवण करून झोपले.त्यातिल एका खोलीत स्वतः दिगंबर, पत्नी सुमनबाई व नातू प्रसाद,दुसऱ्या खोलीत मुलगा रामदास व त्याची पत्नी हिराबाई तर तिसऱ्या खोलीत दुसरी सुन संगीता शिवदास वाघमारे,नात गायत्री व जान्हवी असे झोपले होते..तेव्हा मध्यरात्रीनंतर एकच्या सुमारास संगीता यांना घराचे दार वाचल्याचा आवाज आला.त्यामुळे,त्यांनी समोरील खिडकी उघडून बघितले,मात्र, त्यांना कुणीही दिसले नाही.म्हणुन त्या दार उघडून लघुशंकेसाठी घराबाहेर आल्या.पाठोपाठ त्यांची मुलगी गायत्रीही आली.तेव्हा भिंतीच्या अडवशाला लपलेले दरोडेखोर समोर आले.त्यामुळे,संगीता यांनी गायत्रीला घरात ढकलून दार बंद करण्यास सांगितले.याप्रकाराने दरोडेखोर चिडल्याने त्यांनी संगीता व गायत्री यांना काठीने जबर मारहाण केली.त्यात दोघींचीही डोकी फुटल्याने मोठा रक्तस्त्राव झाला..त्यानंतर दरोडेखोर घरात शिरून त्यांनी 'आवाज करू नका,नाही तर ठार मारू',असे धमकावत किंमती ऐवज काढून देण्यास सांगितले.तेव्हा संगीता यांनी गळ्यातील सोन्याची पोत काढून दिली.एव्हाना हा आवाज ऐकुन दिगंबर वाघमारे घरातुन बाहेर आले.त्यांनी दरोडेखोरांना विनवणी केली की,'कुणालाही मारू नका'जे काय आहे ते सर्व घेऊन जा'.मात्र,दरोडेखोरांनी न जुमानता त्यांना काठीने बेदम मारहाण केली.त्यात त्यांचे डोके फुटल्याने त्यातुन मोठा रक्तस्त्राव होऊन घराच्या ओट्यावर मोठ्या प्रमाणावर रक्त साचले.त्यांचे कपडेही पुर्णपणे रक्ताने माखले.त्यांची पत्नी सुमनबाई बाहेर आल्या,तेव्हा एका दरोडेखोराने त्यांच्या गळ्याला चाकू लावत धमकावुन सोन्याची पोत काढून घेतली..तुम्हारे पास का सोना-पैसा निकालोदरोडेखोर ३० ते ३५ वयोगटातील होते.ते आपसात हिंदीमध्ये संवाद साधत होते.'तुम्हारे पास सोना है.पैसाभी है निकालो'असे म्हणत सतत धमकावत होते.त्यानंतर त्यांनी मुलगा रामदास यांची पत्नी हिराबाई यांच्या गळ्यातील मंगळसूत्राची पोतही हिसकावुन घेतली.तेव्हा दरोडेखोरांनी तिन्ही खोल्यातील कपाट,आलमारीतील साहित्याची उचकापाचक करीत रोख रक्कम व किंमती ऐवजाचा शोध घेतला.या घाईगडबडीत मुलगा रामदास यांनी घराच्या पाठिमागील दार उघडून लगतच्या शंकर वाघमारेंच्या शेतवस्तीवर धाव घेत त्यांना बोलावून आणले..बॅटरीच्या उजेडामुळे चोरटे पसाररामदास व शंकर वाघमारे हे बॅटरीच्या उजेडात येत असल्याचे दरोडेखोरांनी बघितले.त्यामुळे,त्यांनी घटनास्थळावरून काढता पाय घेतला.एव्हाना वडिल व गावकरी येत असल्याचे बघुन दिगंबर वाघमारे यांचा नववीत शिकणारा नातु प्रसाद याने पसार होणाऱ्या एका दरोडेखोराचे मानगुट आवळून त्याला जमीनीवर आडवे केले.त्याला संगीता,हिराबाई व इतर सदस्यांनी झोडपत पकडून ठेवले.मात्र, ही बाब दरोडेखोरांच्या लक्षात आल्याने त्यांनी अंधारातुनच दगडफेक करीत आपल्या साथीदाराला सोडवून घेत पळ काढला..दारूची बाटली,मासा व परफ्युम बाटल्यादरोडेखोरांनी दरोडा टाकतांना सोबत एक भला मोठा मासा,दारूची अर्धालिटरची बाटली,दोन परफ्युमच्या मोठ्या बाटल्याही एका पिशवीतून आणल्या होत्या.हे सर्व साहित्य घटनास्थळाच्या पाठिमागील भागात अंदाजे शंभर फुटांवर आढळून आले.त्याठिकाणी एक जोड तसेच घटनास्थळी एक जोड असे दोन चपलांचे जोडही दरोडेखोरांनी सोडून दिलेले आढळले.येथील चपलांच्या साहाय्याने श्वान' राॅकी'या पथकाने दरोडेखोरांचा शोध घेण्याचा प्रयत्न केला.घटनास्थळी ठसेतज्ञांनाही बोलावण्यात आले होते.याप्रकरणी मुलगा रामदास वाघमारे यांनी पोलीसात तक्रार दिली.वाळूज पोलीसांनी अज्ञात दरोडेखोरांविरोधात गुन्हा नोंद केला आहे.पोलीस उपनिरीक्षक अजय शितोळे तपास करीत आहेत..Asaduddin Owaisi : विरोधकांच्या नाकर्तेपणामुळे भाजपला सत्ता; असदुद्दीन ओवेसी, मुस्लिमांचे नेतृत्व विरोधकांना नको असल्याचा आरोप.घटनास्थळी पोलीसांचा फौजफाटादरोडेखोर हे अर्धातास वस्तीवर धुमाकूळ घालीत होते. गावकऱ्यांनी ही माहिती शंभर क्रमांकावर संपर्क साधुन दिली.तेव्हा पोलीस आयुक्तालयातील गुन्हे शाखेचे पोलिस निरीक्षक संदिप गुरमे यांचे पथक, वाळूज पोलीस ठाण्याचे पोलीस निरीक्षक राजेंद्र सहाणे,उपनिरीक्षक अजय शितोळे,पोलीस पथक श्वानपथक व ठसेतज्ञासह दाखल झाले.यावेळी,त्यांनी जखमींना तातडीने उपचारांसाठी घाटी रुग्णालयात दाखल केले.सकाळी,पोलीस उपायुक्त नितिन बगाटे व त्यांचे पथक यांनी घटनास्थळाची भेट देऊन पाहणी केली.दरम्यान, एका संशयितांस ताब्यात घेण्यात आले असून त्याची चौकशी केली जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Chh. Sambhajinagar Robbery : रामराईत शेतवस्तीवर दरोडा; मारहाणीत तिघे जखमी,४८ हजारांचे दागिने लंपास

Related Stories