धक्कादायक! पत्नीचा खून करून पतीची आत्महत्या

नायगाव : डोक्यात कुऱ्हाडीचे घाव घालून पत्नीचा खून करून पतीने झाडाला गळफास घेऊन आत्महत्या केल्याची घटना बेळकोणी बु. (ता. नायगाव) येथे मंगळवारी (ता.५) सकाळी अकराच्या सुमारास घडली.

नामदेव नरसिंग तोकलवाड (वय ४०) व रंजना नामदेव तोकलवाड (वय ३६) हे शेतकरी दांपत्य शेतात गेले होते. शेतात काम करताना दोघांत बाचाबाची झाली. रागाच्या भरात रंजनाने पतीवर कुऱ्हड उचलली. यामुळे संतप्त झालेल्या नामदेवने तिच कुऱ्हाड तिच्या डोक्यात घातली. रंजना रक्ताच्या थारोळ्यात पडलेली असतानाच नामदेवने बाजूच्या झाडाला गळफास घेऊन आत्महत्या केली. त्यांच्या दोन मुली व मुलगा उघड्यावर आला आहे. दरम्यान, रामतीर्थ पोलिस ठाण्याचे सहायक निरीक्षक विजय जाधव, उपनिरीक्षक शेख लतीफ, बिट जमादार आर.एस.पठाण आदींनी पंचनामा केला. बिलोलीच्या ग्रामीण रुग्णालयात दोन्ही मृतदेह पाठविले.