Navratri Festival : महाराष्ट्रातील साडेतीन शक्तिपीठांच्या मूर्तींचे : शहरवासीयांना घडणार दर्शन | Sakal
sakal

बोलून बातमी शोधा

Navratri Festival 2022

Navratri Festival : महाराष्ट्रातील साडेतीन शक्तिपीठांच्या मूर्तींचे : शहरवासीयांना घडणार दर्शन

औरंगाबाद : महाराष्ट्रातील साडेतीन शक्तिपीठांच्या मूर्ती या वर्षी शहरात विक्रीसाठी आल्या आहेत. तसेच या मूर्ती यंदा मंडळात बसविल्या जाणार असल्याने नवरात्र उत्सवात भाविकांना शहरातच देवीच्या साडेतीन शक्तिपीठांच्या मूर्तींचे दर्शन घेता येणार आहे.

नवरात्रोत्सवात मंडळाच्या वतीने देवींच्या मूर्ती बसविण्यात येतात. कोरोनाचे संकट दूर झाल्याने यंदा देवीच्या मूर्ती मोठ्या प्रमाणात मागवण्यात आल्या आहेत. त्यात महाराष्ट्रातील कोल्हापूर, तुळजापूर, माहूर व नाशिक जिल्ह्यातील सप्तशृंगी देवी या शक्तिपीठांच्या मूर्तींचा समावेश आहे.

पूर्ण शक्तिपीठांपैकी कोल्हापूरची महालक्ष्मीची देवी, तुळजापूरमधील तुळजाभवानी, माहूर येथील रेणुकामाता या तीन देवींना पूर्ण शक्तिपीठाचा तर नाशिक येथील वणीतील सप्तशृंगी देवीला अर्धशक्तिपीठाचा मान आहे.

गेल्या दोन वर्षांपासून कोरोनाचा सावट होते. त्यामुळे नवरात्रोत्सव साजरा करण्यात मर्यादा आल्या होत्या. शहरातील देवीच्या मंदिरातही दुरूनच दर्शन घ्यावे लागत होते. यंदा निर्बंध नसल्याने पुन्हा नवरात्र उत्सव मोठ्या उत्साहात साजरा करण्याची तयारी केली जात आहे. यंदा वीस ते पंचवीस टक्के मोठ्या मूर्ती बनविण्यासाठी लागणाऱ्या कच्च्या मालाच्या किमतीत वाढ झाली असून त्यासाठी मजुरी, वाहतूक खर्च वाढल्याने मूर्ती महाग झाल्याचे मूर्तिकार डी. एस. जवळेकर सांगितले.

Web Title: Navratri Festival 2022 Idols Worship Shaktipeeth Temple

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..