Osmanabad: बालविवाह प्रकरणी आठ जणांवर गुन्हा | Sakal
sakal

बोलून बातमी शोधा

बालविवाह

उस्मानाबाद : बालविवाह प्रकरणी आठ जणांवर गुन्हा

उस्मानाबाद : लग्नानंतर गर्भवती राहिलेल्या अल्पवयीन मुलीचा मृत्यू झाला. यानंतर मुलीचा जाणीवपूर्वक बालविवाह लावण्यात आल्याचे स्पष्ट झाल्याने आठ जणांवर गुन्हा दाखल करण्यात आला आहे.

अणदूर येथील एका मुलीचे वय १५.४ वर्षे असताना आई व वडिलांनी तीचा विवाह उतमी (कायापूर) येथील अजित बोंदर याच्याबरोबर लावला होता. हा विवाह ११ जून २०२० रोजी झाला होता. विवाहानंतर मुलगी गर्भवती राहिली. यानंतर आॅक्टोबर २०२१ महिन्यात तिचा मृत्यू झाला. सदरील मुलगी अल्पवयीन असल्याचे माहीत असूनही जाणीवपूर्वक हा बालविवाह लावला असल्याची तक्रार आता ग्राम विकास अधिकारी देविदास चव्हाण यांनी नळदुर्ग पोलिस ठाण्यात दिली आहे.

हेही वाचा: मालेगाव : चिखलीच्या इसमाचा मालेगावात खून

यावरून विवाह लावणाऱ्या पाच व्यक्तींसह लक्ष्मण घुगे, राम घुगे, सुरेखा बोंदर अशा आठ व्यक्तींविरुद्ध बालविवाह प्रतिबंधक कायदा कलम ९, १०, ११ अंतर्गत गुन्हा नोंदवण्यात आला होता. पुढील तपासात गुन्हा उस्मानाबाद (ग्रामीण) पोलिस ठाणे येथे वर्ग करण्यात आला आहे.

Web Title: Osmanabad Child Marriage Crime News Updates

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..