छत्रपती संभाजीनगर : ठाकरेंच्या शिवसेनेत मराठवाडा सचिव राहिलेले आणि मराठवाड्याच्या शिवसेनेची खडा न् खडा माहिती असलेले अशोक पटवर्धन यांना उडी मारून शिंदे यांच्या शिवसेनेत आल्यावरही मराठवाडा सचिव पदाचीच जबाबदारी सोपवण्यात आली..तथापि, घोडेले दांपत्यासह नव्याने आलेल्या अनेकांना मात्र शिंदे यांच्या शिवसेनेने रांगेतच ठेवल्याने आपण पक्षांतर केले ते योग्य केले का, अशी शंकेची पाल चुकचुकायला लागली आहे. वर्ष १९९८ पासून अशोक पटवर्धन यांच्याकडे मराठवाडा, विदर्भ, खानदेशातील ठाकरे परिवाराच्या दौऱ्यांच्या नियोजनाची आणि समन्वयाची जबाबदारी होती..ठाकरे परिवाराच्या तीनही पिढ्यांसोबत त्यांनी काम केले. मात्र, विधानसभा निवडणुकीनंतर अचानक त्यांनी पालकमंत्री संजय शिरसाट यांच्या उपस्थितीत एकनाथ शिंदे यांच्या शिवसेनेत प्रवेश केला. मंगळवारी त्यांच्यावर मराठवाडा सचिव म्हणून जबाबदारी देण्यात आली. त्यांची नियुक्ती पुढील एक वर्षासाठी असेल, असे सचिव संजय मोरे यांनी दिलेल्या नियुक्तिपत्रात म्हटले आहे. दरम्यान, माजी महापौर विकास जैन यांच्याकडे सहसंपर्कप्रमुखाची धुरा सोपवण्यात आली. ते सुरवातीपासूनच शिरसाट समर्थक म्हणून सक्रिय आहेत..शिरसाट यांचाच वरचष्माशिवसेनेकडून राज्यभरात अकरा मंत्र्यांना विविध जिल्ह्यांत संपर्कमंत्रिपदी जबाबदारी सोपवली. मात्र मुंबई, नाशिक, ठाणे येथे कुणावर जबाबदारी दिली नव्हती. जिल्ह्यात खासदार, आमदार आणि पालकमत्र्यांची तोंडे विरुद्ध दिशेने असताना पालकमंत्री संजय शिरसाट यांचाच जिल्ह्यातील संघटनेवर वरचष्मा असेल, असे संकेत आहेत. त्यात सहसंपर्कप्रमुख आणि मराठवाडा विभागीय सचिव ही पदेही त्यांच्याच निकटवर्तीयांना दिल्याने त्याला एकप्रकारची पुष्टी मिळाली आहे..Godavari Pollution : रसायनयुक्त पाण्याने मासे मृत्युमुखी; अंबड तालुक्यातील गोंदी येथील गोदावरी पात्रातील प्रकार.रांगेत आलेले ‘वेटिंग’वरपटवर्धन यांच्या अगोदर माजी महापौर नंदकुमार घोडेले आणि माजी महापौर अनिता घोडेले यांनी शिवसेनेत प्रवेश केला होता. मात्र, अद्याप त्यांच्याकडे कोणतीही जबाबदारी सोपवण्यात आलेली नाही. ते सध्या संजय शिरसाट यांच्या दौऱ्यात सोबत दिसतात. तर आमदार प्रदीप जैस्वाल यांनी काही माजी नगरसेवकांचा शिवसेना प्रवेश घडवून आणला. त्यांच्याकडेही संघटनेची जबाबदारी सोपवण्यात आली नाही. त्यामुळे आपण पक्षांतर केले ते योग्य आहे की नाही, अशी शंका त्यांना यायला लागली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
